ព័ត៌មានអន្ដរជាតិ

តួលេខអ្នករងរបួសនៅអ៊ីស្រាអែល ព្រោះការវាយប្រហាររបស់អ៊ីរ៉ង់កើនឡើងដល់ជិត ៤៨០០នាក់

បានផុស

៣ ខែ មុន

នៅ

ថ្ងៃអង្គារ ២៤ មីនា ២០២៦

ដោយ

Chheang

ការវាយប្រហារតាមអាកាសរបស់អ៊ីរ៉ង់ទៅលើប្រទេសអ៊ីស្រាអែលកាលពីថ្ងៃចន្ទទី២៣ខែមីនាឆ្នាំ២០២៦ បានបណ្ដាលឲ្យមនុស្ស៦០នាក់បន្ថែមទៀតរងរបួស ដែលធ្វើឲ្យចំនួនអ្នករងរបួសសរុបគិតចាប់តាំងពីចុងខែមុនកើនឡើងដល់ ៤៧៧៣នាក់ ដោយក្នុងនោះមាន១០៨នាក់កំពុងសម្រាកព្យាបាលនៅមន្ទីរពេទ្យនៅឡើយ។ នេះបើតាមទីភ្នាក់ងារព័ត៌មាន Anadolu ដោយយោងតាមរបាយការណ៍ពីក្រសួងសុខាភិបាលអ៊ីស្រាអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លើងសង្គ្រាមក្នុងតំបន់មជ្ឈិមបូព៍ាបានឆាបឆេះយ៉ាងសន្ធោសន្ធៅ បន្ទាប់ពីប្រតិបត្តិការយោធារួមគ្នារវាងអាមេរិក និងអ៊ីស្រាអែល កាលពីថ្ងៃទី២៨ខែកុម្ភៈ ដែលបានសម្លាប់មនុស្សអស់ជាង១៣៤០នាក់ ដោយក្នុងនោះរួមមានទាំងមេដឹកនាំកំពូលរបស់អ៊ីរ៉ង់ លោក Ali Khamenei ផងដែរ។

ដើម្បីជាការសងសឹក ទីក្រុងតេហេរ៉ង់បានបើកការវាយប្រហារដោយប្រើដ្រូន និងមីស៊ីលមិនត្រឹមតែលើអ៊ីស្រាអែលប៉ុណ្ណោះទេ ប៉ុន្តែថែមទាំងបានកំណត់គោលដៅលើប្រទេសហ្ស៊កដានី អ៊ីរ៉ាក់ និងបណ្ដាប្រទេសនៅតំបន់ឈូងសមុទ្រដែលមានមូលដ្ឋានទ័ពអាមេរិកទៀតផង។ ការវាយប្រហារទាំងនេះបានបង្កឲ្យមានការខូចខាតយ៉ាងធ្ងន់ធ្ងរដល់ហេដ្ឋារចនាសម្ព័ន្ធ និងបាត់បង់ជីវិតមនុស្សជាច្រើន ព្រមទាំងធ្វើឲ្យរង្គោះរង្គើដល់ទីផ្សារសកល និងរំខានដល់ប្រព័ន្ធចរាចរណ៍ផ្លូវអាកាសយ៉ាងខ្លាំង។ មកទល់ពេលនេះ ភាគីទាំងសងខាងនៅតែបន្តការបាញ់បោះដាក់គ្នាទៅវិញទៅមកយ៉ាងសាហាវនៅទូទាំងតំបន់៕

ប្រែសម្រួល៖ ឈាង