ព័ត៌មានអន្ដរជាតិ

ទូតចិននៅអាមេរិកថា ការធ្វើនយោបាយពីប្រភពដើមកូវីដអន្តរាយដល់ការស៊ើបអង្កេត

បានផុស

៥ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ការធ្វើនយោបាយពីប្រភពដើមនៃកូវីដ-១៩នឹងរាំងស្ទះដល់ការស៊ើបអង្កេត និងធ្វើឲ្យអន្តរាយដល់កិច្ចខិតខំប្រឹងប្រែងជាសកលដើម្បីទប់ស្កាត់ជំងឺរាតត្បាតនេះ។ នេះជាការលើកឡើងរបស់ស្ថានទូតចិនប្រចាំនៅអាមេរិក បន្ទាប់ពីលោកប្រធានាធិបតី ចូ បៃដិន បានបញ្ជាឲ្យពិនិត្យឡើងវិញនូវការស៊ើបអង្កេតពីកន្លែងដែលវីរុសនេះលេចឡើង។

ស្ថានទូតចិនប្រចាំនៅទីក្រុងវ៉ាស៊ីនតោនបាននិយាយក្នុងសេចក្តីថ្លែងការណ៍មួយដែលចេញផ្សាយនៅលើវិបសាយរបស់ខ្លួននៅល្ងាចថ្ងៃពុធ ទី២៦ ខែឧសភា ថា «កម្លាំងនយោបាយខ្លះត្រូវបានដោះស្រាយដោយកល់ល្បិចនយោបាយ និងល្បែងស្តីបន្ទោស»។

នៅពេលអង្គការសុខភាពពិភពលោក (WHO) បានរៀបចំចាប់ផ្តើមការសិក្សាស្រាវជ្រាវដំណាក់កាលទី២អំពីប្រភពដើមនៃកូវីដ-១៩ ប្រទេសចិនបានស្ថិតក្រោមសម្ពាធបន្ថែមទៀតដើម្បីផ្តល់ឲ្យអ្នកស៊ើបអង្កេតទទួលបានព័ត៌មានជុំវិញការចោទប្រកាន់ដែលថា វីរុសនេះលេចចេញពីមន្ទីរពិសោធដែលមានឯកទេសខាងស្រាវជ្រាវវីរុសកូរូណានៅទីក្រុងអ៊ូហាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចិនបានបដិសេធម្តងហើយម្តងទៀតពីមន្ទីរពិសោធមិនទទួលខុសត្រូវទេ ដោយនិយាយថា សហរដ្ឋអាមេរិក និងបណ្តាប្រទេសផ្សេងទៀតបានកំពុងព្យាយាមបង្វែរពីបរាជ័យរបស់ពួកគេចំពោះការស្រាវជ្រាវរកវីរុសនេះ។

លោក ចូ បៃដិន បាននិយាយនៅថ្ងៃពុធថា ទីភ្នាក់ងារស៊ើបការណ៍សម្ងាត់អាមេរិកយបានបែងចែកថាតើ កូវីដ-១៩លេចចេញពីការទំនាក់ទំនងរបស់មនុស្សជាមួយសត្វ ឬក៏លេចចេញពីមន្ទីរពិសោធដោយចៃដន្យ។

លោក Yanzhong Huang សមាជិកជាន់ខ្ពស់សម្រាប់សុខភាពសកលជាមួយក្រុមប្រឹក្សាទំនាក់ទំនងអន្តរជាតិនៅទីក្រុងវ៉ាស៊ីនតោនបាននិយាយថា កង្វះនៃការបើកចំហរបស់ចិនជាកត្តាចម្បងមួយនៅពីក្រោយនៃការកើនឡើងនូវទ្រឹស្តីលេចចេញពីមន្ទីរពិសោធ។

លោកនិយាយថា ៖«មិនមានអ្វីទេនៅទីនោះដើម្បីបង្ហាញសម្មតិកម្ម។ នៅក្នុងការស៊ើបអង្កេតនៃប្រភពដើមកូវីដ-១៩ វាពិតជាសំខាន់ណាស់ដើម្បីឲ្យមានតម្លាភាពដើម្បីសាងទំនុកចិត្តចំពោះលទ្ធផលស៊ើបអង្កេត»។

ការសិក្សាទូលំទូលាយ

ស្ថានទូតចិនបាននិយាយថា ខ្លួនគាំទ្រចំពោះការ«សិក្សាស្រាវជ្រាវទូលំទូលាយពីគ្រប់ករណីនៃកូវីដ-១៩ដែលរាលដាលទូទាំងពិភពលោក និងការស៊ើបអង្កេតយ៉ាងម៉ត់ចត់ចូលទៅក្នុងមូលដ្ឋានសម្ងាត់មួយចំនួន និងមន្ទីរពិសោធជីវសាស្ត្រទូទាំងពិភពលោក»។

កាសែត The Global Times ដែលជាផ្នែកមួយនៃក្រុមកាសែតប្រចាំថ្ងៃរបស់បក្សកុម្មុយនីស្តចិនកំពុងកាន់អំណាចបានផ្សាយកាលពីថ្ងៃពុធថា ប្រសិនបើទ្រឹស្តីលេចចេញពីមន្ទីរពិសោធគឺជាការស៊ើបអង្កេតបន្ថែមទៀតនោះ សហរដ្ឋអាមេរិកក៏គួរអនុញ្ញាតឲ្យអ្នកស៊ើបអង្កេតចូលទៅក្នុងទីតាំងរបស់ខ្លូន រាប់បញ្ចូលទាំងមន្ទីរពិសោធនៅ Fort Detrick ផងដែរ។

ការសិក្សារួមចិន និងWHO មួយបានចេញផ្សាយកាលពីខែមីនាបានលើកឡើងថា វាមិនអាចទៅរួចទេដែលថា វីរុស SARS-CoV-2 លេចចេញពីមន្ទីរពិសោធ និងបន្ថែមថា វាទំនងជាឆ្លងចេញពីសត្វប្រចៀវទៅមនុស្សតាមរយៈអន្តរការីអ្វីមួយដែលមិនអាចបអង្ហាញអត្តសញ្ញាណបាន។

ចិនក៏បានបន្តចូលរួមចំពោះលទ្ធភាពដែលកូវីដ-១៩អាចមានប្រភពពីប្រទេសផ្សេង និងតាមរយៈចំណីអាហារក្នុងទូទឹកកក ឬតាមរយៈបណ្តាញពាណិជ្ជកម្មសត្វនៅប្រទេសអាស៊ីអាគ្នេយ៍៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩