ព័ត៌មានអន្ដរជាតិ
មីយ៉ាន់ម៉ានៅតែក្តៅ កម្លាំង Karenni អះអាងថា សម្លាប់យោធា៨០នាក់កាលពីថ្ងៃចន្ទ
យ៉ាងហោចណាស់ទាហានមីយ៉ាន់ម៉ា៨០នាក់ត្រូវបានសម្លាប់ក្នុងការប្រយុទ្ធគ្នាចុងក្រោយបំផុតរវាងរបបយោធាមីយ៉ាន់ម៉ា និងកម្លាំងប្រយុទ្ធស៊ីវិល Karenni នៅខណ្ឌ Demoso ក្នុងរដ្ឋ Kayah ដែលជំរុញឲ្យមានការវាយប្រហារតាមផ្លូវអាកាសកាលពីល្ងាចថ្ងៃចន្ទ។
កម្លាំងការពារជាតិ Karenni (KNDF) ដែលជាក្រុមប្រយុទ្ធថ្មីរាប់បញ្ចូលទាំងក្រុមប្រដាប់អាវុធភាគតិចដែលមានស្រាប់នៅក្នុងរដ្ឋ Kayah បាននិយាយថា ការប្រយុទ្ធគ្នាបានកើតឡើងនៅពេលកម្លាំងយោធាមីយ៉ាន់ម៉ាប្រហែល១៥០នាក់មកពីរដ្ឋ Loikaw បានវាយប្រហារចូលខណ្ឌ Demoso វេលាម៉ោងប្រហែល១រសៀលថ្ងៃចន្ទ។
សកម្មប្រយុទ្ធស៊ីវិលម្នាក់បាននិយាយថា សមមិត្តរបស់ក្រុមគាត់១នាក់ និង៦នាក់ផ្សេងទៀតបានរបួសក្នុងការប៉ះទង្គិចគ្នាកាលពីល្ងាចថ្ងៃចន្ទ។
គាត់និយាយថា ៖«ត្រឹមម៉ោង៥ល្ងាចថ្ងៃចន្ទ ទាហានមីយ៉ាន់ម៉ាជាង៨០នាក់ត្រូវបានបញ្ជាក់ពីការស្លាប់ ក្នុងការសងសឹក ដែលទាហានបានប្រើយន្តហោះប្រយុទ្ធ ឧទ្ធម្ភាគចក្រ និងបាញ់ផ្លោងកាំភ្លើងធំចូលទៅខណ្ឌ Demoso»។
អ្នកប្រយុទ្ធជានារីម្នាក់បាននិយាយថា ៖«កម្លាំងរបស់យើងបានប្រមូលសពយោធាមីយ៉ាន់ម៉ាជាង៤០នាក់នៅព្រឹកថ្ងៃអង្គារ៍ និងបានរឹបអូសអាវុធ និងទស្សនាវដ្តីប្រហែលជា២០ទៅ៣០»។
នារីរូបនេះបានរៀបរាប់ថា ទាហានយោធាមីយ៉ាន់ម៉ាបានបាញ់ទៅលើក្រុមឆ្មាំស៊ីវិលនៅក្នុងភូមិ និងបន្ទាប់មកកម្លាំងប្រយុទ្ធស៊ីវិលបានឡោមព័ទ្ធ ហើយក៏បានសម្លាប់តែម្តង។ ភ្លាមៗនោះ ការវាយប្រហារតាមផ្លូវអាកាសបានកើតឡើងដើម្បីជាជំនួយ។
ពួកគេបាននិយាយថា ការវាយប្រហារតាមផ្លូវអាកាសបានធ្វើទៅលើតំបន់ Dawt Ngan Kha វេលាម៉ោង៥ល្ងាច ហើយការបាញ់គ្រាប់ផ្លោងបានកើតជាបន្តបន្ទាប់រហូតដល់យប់។ ហោចណាស់ យោធាមីយ៉ាន់បានទម្លាក់គ្រាប់បែក៦គ្រាប់នៅពេលនោះ។
ការប្រយុទ្ធគ្នារវាងយោធាមីយ៉ាន់ម៉ា និងកម្លាំងប្រយុទ្ធ Karenni បានផ្ទុះឡើងនៅ Demoso កាលពីថ្ងៃទី២១ ខែឧសភា ហើយទាហានក៏ចាប់ផ្តើមដាក់ពង្រាយពីនោះមក។
កាលពីសប្តាហ៍មុន កងកម្លាំងការពារប្រជាជន Karenni (KPDF) បានបំផ្លាញប៉ូល្តិ៍ប៉ូលិសមួយចំនួននៅ Demoso ព្រមទាំងតំបន់ Pekon និង Moebyel ក្នុងរដ្ឋ Shan ដែលបានសម្លាប់យោធាមីយ៉ាន់ម៉ាជាង៤០នាក់។ ពេលនេះកម្លាំងការពារប្រជាជន៨នាក់ និងជនស៊ីវិល២៣នាក់ត្រូវបានយោធាមីយ៉ាន់ម៉ាសម្លាប់ក្នុងរយៈពេល១០ថ្ងៃ៕
ប្រែសម្រួល៖ វីរបុត្រ
ប្រភព៖ Irrawaddy
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ