ព័ត៌មានអន្ដរជាតិ
មេក្រុម យ៉ាគូហ្សា ដ៏ល្បីរន្ទឺរបស់ជប៉ុន ត្រូវកាត់ទោសប្រហារជីវិតដោយ ព្យួរ ក
មេក្រុមឧក្រិដ្ឋកម្មដ៏មានឥទ្ធិពលម្នាក់ ត្រូវបានតុលាការនៅភាគនិរតីប្រទេសជប៉ុន ផ្តន្ទាទោសប្រហារជីវិត ដោយការព្យួរ.ក។
តុលាការនៅទីក្រុង Fukuoka បានរកឃើញថា លោក Nomura Satoru អាយុ៧៤ឆ្នាំ បានបញ្ជាឲ្យបើកការវាយប្រហារចំនួន ៤ លើក ដែលក្នុងនោះមានមួយលើក បណ្តាលឲ្យមានមនុស្សស្លាប់។
ប្រព័ន្ធផ្សព្វផ្សាយក្នុងស្រុកបានផ្សាយថា សាលក្រមនេះធ្វើឡើង បើទោះបីជាខ្វះភស្តុតាងផ្ទាល់ប្រឆាំងនឹងលោក Nomura ក៏ដោយ ហើយលោកបានបដិសេធថា លោកមិនជាប់ការពាក់ព័ន្ធណាមួយនោះទេ។
នេះត្រូវបានគេជឿថា ជាលើកដំបូងហើយ ដែលសមាជិកជាន់ខ្ពស់នៃក្រុមម៉ាហ្វៀជប៉ុន យ៉ាគូហ្សា ត្រូវបានកាត់ទោសប្រហារជីវិត។
លោក Nomura បានប្រាប់ចៅក្រមបន្ទាប់ពីការកាត់ទោសរបស់គាត់កាលពីថ្ងៃអង្គារថា “ខ្ញុំសូមស្នើសុំឲ្យមានការសម្រេចចិត្តដោយយុត្តិធម៌។ អ្នកនឹងស្តាយក្រោយអស់មួយជីវិត”។
លោក Nomura ក៏គ្រោងនឹងប្តឹងឧទ្ធរណ៍ផងដែរ។
ថ្វីបើព្រះរាជអាជ្ញាគ្មានភស្តុតាងដោយផ្ទាល់បង្ហាញថា លោក Nomura បានបញ្ជាឲ្យវាយប្រហារហិង្សាក៏ដោយ ប៉ុន្តែព្រះរាជអាជ្ញាអះអាងថា បទបញ្ជាដាច់ខាតរបស់គាត់លើក្រុមនេះមានន័យថា គាត់មានទំនួលខុសត្រូវខ្ពស់បំផុត។
ក្នុងកំឡុងពេលនៃការវាយប្រហារ ៤ លើកចន្លោះឆ្នាំ ១៩៩៨ ដល់ ២០១៤, អតីតថៅកែសហករណ៍នេសាទម្នាក់ ត្រូវបានសម្លាប់ហើយមនុស្សបីនាក់ផ្សេងទៀត រួមទាំងមន្រ្តីប៉ូលិសម្នាក់ផងដែរ បានរងរបួស។
យ៉ាគូហ្សា មិនមែនជាក្រុមខុសច្បាប់នៅក្នុងប្រទេសជប៉ុនទេ ហើយពួកគេតែងតែធ្វើប្រតិបត្តិការ។ ប៉ុន្តែក្រុមអ្នកវិភាគនិយាយថា ក្រុមបងធំនេះ មានជាប់ពាក់ព័ន្ធគ្រប់វិស័យនៃសកម្មភាពឧក្រិដ្ឋកម្មនៅក្នុងប្រទេស ចាប់ពីការរត់ពន្ធគ្រឿងញៀននិងអំពើពេស្យាចារ រហូតដល់ការរៀបចំផ្សារភាគហ៊ុន៕
ប្រែសម្រួល៖ Vann Vann
ប្រភព៖ BBC
ចុចអាន៖ ព្រោះតែកូវីដ សូម្បីមេក្រុមបងធំល្បីល្បាញនៅជប៉ុន ក៏បាត់បង់ចំណូល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ