ព័ត៌មានអន្ដរជាតិ

ព្រោះតែកូវីដ សូម្បីមេក្រុមបងធំល្បីល្បាញនៅជប៉ុន ក៏បាត់បង់ចំណូល

បានផុស

៥ years មុន

នៅ

ថ្ងៃពុធ ៣ មីនា ២០២១

ដោយ

យ៉ាគូសាជាក្រុមអ្នកលេងដែលត្រូវបានគេស្គាល់ថា រកលុយតាមរយៈមធ្យោបាយខុសច្បាប់ដូចជា ល្បែងស៊ីសងនិងជួញដូរគ្រឿងញៀន។

ទោះយ៉ាងណាក៏មានការគ្រប់គ្រងអាជីវកម្មស្របច្បាប់មួយចំនួនដូចជា បើកតូបលក់អាហារដែលលេចធ្លោក្នុងកំឡុងពិធីបុណ្យនិងព្រឹត្តិការណ៍នានា ដែលភាគច្រើនត្រូវបានលុបចោលឬបន្ថយដោយសារតែកូវីដ។

មេក្រុមយ៉ាគូសាម្នាក់សុំមិនបញ្ចេញឈ្មោះបានប្រាប់កាសែត Daily Shincho ថា ចរន្តនៃប្រាក់ចំណូលបានក្លាយជា“ ការបាត់បង់ប្រាក់ចំណូលទាំងស្រុង” ក្នុងកំឡុងពេលមានជំងឺរាតត្បាត។ ជាធម្មតាយើងរកលុយបានច្រើនបំផុត នៅពេលមានមនុស្សទៅទស្សនាទីសក្ការបូជា shrines នៅចុងឆ្នាំនិងចូលឆ្នាំថ្មី។ ប៉ុន្តែបុព្វហេតុឆ្នាំនេះ វាក្លាយជាមិនអាចទៅរួច។

បើប្រៀបធៀបទៅនឹងឆ្នាំមុនៗ ប្រាក់ចំណេញរបស់យើងមានតែមួយភាគបីនៃអ្វីយើងរកបាន។ ចំណែកតូបលក់ម្ហូបអាហារបានធ្លាក់ចុះ ដោយសារតែវិធានការណ៍រដ្ឋាភិបាលប្រឆាំងនិងកូវីដ ហើយមនុស្សដែលទៅទស្សនាទីសក្ការកាន់តែតិចជាងមុន។

មេក្រុមរូបនេះបានបន្ថែមថា“ សូម្បីតែទីសក្ការបូជា Meiji នៅតូក្យូដែលទទួលបានភ្ញៀវទេសចរច្រើនបំផុតក្នុងឱកាសចូលឆ្នាំថ្មី ក៏បានកាត់បន្ថយរយៈពេលនៃការប្រតិបត្តិការរបស់យើងដែរ” ។

ដោយឡែកគេហទំព័រ Soranews24 បានរាយការណ៍ថា ខណៈដែលតូបជាច្រើនត្រូវបានគ្រប់គ្រងដោយអាជីវកម្មក្នុងស្រុក តូបខ្លះត្រូវបានត្រួតពិនិត្យដោយក្រុមយ៉ាគូសាផ្ដាច់មុខ។ ម៉្យាងដោយកត់សំគាល់ឃើញថា សមាជិកជាច្រើនមានវ័យចំណាស់និងមានហានិភ័យក្នុងការឆ្លងវីរុសនេះ ក្រុមខ្លះបានផ្អាកការជួបជុំចុងឆ្នាំនិងចូលឆ្នាំថ្មី ព្រមទាំងលុបចោលពិធីជប់លៀងផឹកស៊ីនិងជៀសពីការងារផ្ទាល់ខ្លួនផងដែរ៕

ប្រែសម្រួល៖ សាង ស្រីល័ក្ខ

ប្រភព៖dailymail

ចុចអាន៖WHO ថា ជំងឺកូវីដ ១៩ នឹងមិនរលាយបាត់នៅឆ្នាំនេះទេ ទោះមានវ៉ាក់សាំងក៏ដោយ

ចុចអាន៖បែកធ្លាយ ឧបករណ៍យោធាមីយ៉ាន់ម៉ា ប្រើបង្ក្រាបបាតុករប្រឆាំងរដ្ឋប្រហារ

Related Topics:ក្រុមយ៉ាគូសា