ព័ត៌មានអន្ដរជាតិ
តាលីបង់ រៀបគម្រោងសម្លាប់មេដឹកនាំចលនាតស៊ូប្រដាប់អាវុធ អាហ្វហ្គានីស្ថាន ក្រោយមើលងាយរដ្ឋាភិបាលថ្មី
ឯកអគ្គរដ្ឋទូតអាហ្វហ្គានីស្ថានប្រចាំប្រទេសតាជីគីស្ថាន លោក Mohammad Zahir Aghbar បាននិយាយកាលពីថ្ងៃទី ៣១ ខែសីហាថា ក្រុមតាលីបង់កំពុងរៀបគម្រោងបញ្ចប់ជីវិតលោក Ahmad Massoud មេដឹកនាំនៃចលនាតស៊ូប្រដាប់អាវុធនៅក្នុងខេត្តជ្រលងភ្នំ Panjshir ។
កន្លងមកលោក Aghbar បានអះអាងថា ប្រភពអំណាចស្របច្បាប់តែមួយគត់នៅក្នុងប្រទេសអាហ្វហ្គានីស្ថាន គឺការតស៊ូរបស់ខេត្ត Panjshir ។
ខេត្តជ្រលងភ្នំ Panjshir ដែលមានទីតាំងស្ថិតនៅភាគឦសាននៃទីក្រុងកាប៊ុល គឺជាខេត្តតែមួយគត់របស់អាហ្វហ្គានីស្ថានដែលមិនធ្លាប់ចាញ់ ឬធ្លាក់ក្នុងដៃរបស់ក្រុមតាលីបង់ ។
ទន្ទឹមនោះវាក៏កើតឡើង ស្របពេលដែលមេដឹកនាំចលនាតស៊ូនៅខេត្ត Panjshir របស់អាហ្វហ្គានីស្ថានលោក Ahmad Massoud បានប្រាប់ទស្សនាវដ្តី Foreign Policy ថា គាត់នឹងបោះបង់ការតស៊ូរបស់គាត់ ឬចុះចាញ់តែម្ដង ប្រសិនបើក្រុមតាលីបង់បង្កើតរដ្ឋាភិបាលរួមបញ្ចូលគ្នា និងធានាសិទ្ធិស្មើគ្នាសម្រាប់ជនជាតិអាហ្វហ្គានីស្ថានទាំងអស់ ។
លោក Massoud បាននិយាយនៅក្នុងបទសម្ភាសន៍មួយដែលបានចុះផ្សាយនៅថ្ងៃទី ៣០ ខែសីហាថា “ប្រសិនបើតាលីបង់មានឆន្ទៈចែករំលែកអំណាចជាមួយមនុស្សគ្រប់គ្នា ហើយមានឆន្ទៈក្នុងការបង្កើតយុត្តិធម៌ និងផ្តល់សិទ្ធិ និងសេរីភាពស្មើភាពគ្នាដល់អាហ្វហ្គានីស្ថានទាំងអស់នោះ ខ្ញុំនឹងចុះចេញពីតំណែងជាមេដឹកនាំក្រុមចលនាតស៊ូ ហើយឈប់ធ្វើនយោបាយតែម្ដង” ។
គួរបញ្ជាក់ថា គ្រោងការនេះក៏កើតឡើង ខណៈដែលក្រុមតាលីបង់ត្រៀមនឹងប្រកាសបង្កើតរដ្ឋាភិបាលអាហ្វហ្គានីស្ថានថ្មី នៅថ្ងៃទី ៣ ខែសីហាខាងមុខនេះ ប៉ុន្តែសមាសភាពរបស់ពួកគេនៅតែមិនប្រាកដប្រជាឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ