ព័ត៌មានអន្ដរជាតិ
ឥណ្ឌូណេស៊ី ចាប់នាវាលួចដឹកប្រេងខុសច្បាប់ជាង ៤ ពាន់តោន
កងទ័ពជើងទឹកឥណ្ឌូណេស៊ីនិយាយថា ខ្លួនបានរឹបអូសយកនាវាដឹកប្រេងដែលមានទង់ជាតិប៉ាណាម៉ាមួយគ្រឿង នៅក្នុងដែនទឹកក្បែរកោះ Riau បន្ទាប់ពីនាវាបរទេសនោះត្រូវបានរកឃើញថា បានដឹកប្រេងជាង ៤ ពាន់តោនដោយគ្មានការអនុញ្ញាតត្រឹមត្រូវ ។
មេបញ្ជាការកងទ័ពជើងទឹកឥណ្ឌូនេស៊ីលោកឧត្តមនាវីទោ Arsyad Abdullah បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃពុធថា នាវាដឹកប្រេង MT Zodiac Star ដែលមានទង់ជាតិប៉ាណាម៉ាត្រូវបានរឹបអូសដោយសង្ស័យថា បានធ្វើសកម្មភាពខុសច្បាប់នៅក្នុងដែនទឹករបស់ប្រទេស ។
លោកមេបញ្ជាការបាននិយាយទៀតថា នាវាដឹកប្រេងដែលមានទង់ជាតិប៉ាណាម៉ាបានដឹក “ប្រេងខ្មៅ” ចំនួន ៤,៦០០ តោន ដែលគេសង្ស័យថាជាកាកសំណល់ ដោយគ្មានការបោសសម្អាតពីកំពង់ផែ ឬការអនុញ្ញាតត្រឹមត្រូវក្នុងការដឹកជញ្ជូនទំនិញ ។
លោក Arsyad Abdullah បាននិយាយថា “កងទ័ពជើងទឹកនឹងមិនស្ទាក់ស្ទើរក្នុងការចាត់វិធានការ ប្រឆាំងនឹងការរំលោភច្បាប់គ្រប់ទម្រង់ដែលកើតឡើងនៅក្នុងដែនទឹកឥណ្ឌូនេស៊ីនោះទេ” ។
មេបញ្ជាការកងទ័ពជើងទឹករូបនេះបាននិយាយថា ជាមួយនឹងនាវិក ១៩ នាក់រួមទាំងជនជាតិឥណ្ឌូណេស៊ី ១៨ នាក់ និងពលរដ្ឋម៉ាឡេស៊ីម្នាក់ផងនោះ នាវាដឹកប្រេងមួយគ្រឿងនេះត្រូវបាននាំទៅកាន់កំពង់ផែ Batam ប្រទេសឥណ្ឌូណេស៊ី ដើម្បីធ្វើការស៊ើបអង្កេតបន្ថែម ។
គួរបញ្ជាក់ថា ឧបទ្ទវហេតុនេះមិនមែនជាលើកទីមួយទេដែលនាវាទង់ជាតិប៉ាណាម៉ា បានបើករត់គេចពីអាជ្ញាធរក្នុងដែនទឹកឥណ្ឌូនេស៊ី ខណៈកាលពីខែមករា នាវាទង់ជាតិអ៊ីរ៉ង់ និងប៉ាណាម៉ានីដែលមានឈ្មោះថា MT Horse និង MT Freya ត្រូវបានរឹបអូសនៅក្នុងដែនទឹកឥណ្ឌូណេស៊ី ពីបទចោទផ្ទេរប្រេងខុសច្បាប់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ សមត្ថកិច្ច ឥណ្ឌូណេស៊ី ចាប់នាវាដឹកប្រេងដែល កម្ពុជា ស្វែងរក
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ