ព័ត៌មានអន្ដរជាតិ
តៃវ៉ាន់ ត្រូវការអាវុធរយៈចម្ងាយឆ្ងាយ ដើម្បីកំញើញ ចិន
រដ្ឋមន្ត្រីក្រសួងការពារជាតិតៃវ៉ាន់ លោក Chiu Kuo-cheng បាននិយាយនៅថ្ងៃចន្ទទី២៧ខែកញ្ញាថា កោះតៃវ៉ាន់ ត្រូវការអាវុធរយៈចម្ងាយឆ្ងាយនិងបាញ់ចំគោលដៅជាក់លាក់ ដើម្បីរារាំងប្រទេសចិនដែលកំពុងអភិវឌ្ឍន៍ប្រព័ន្ធរបស់ខ្លួនយ៉ាងឆាប់រហ័ស ដើម្បីវាយប្រហារកោះនេះ។
នៅខែនេះ កោះតៃវ៉ាន់បានស្នើចំណាយបន្ថែមលើវិស័យការពារជាតិក្នុងទំហំទឹកប្រាក់ជិត ៩ ពាន់លានដុល្លារ ក្នុងរយៈពេល៥ឆ្នាំខាងមុខ រួមទាំងមីស៊ីលថ្មីផងដែរ ខណៈខ្លួនបានព្រមានពីតម្រូវការបន្ទាន់ក្នុងការធ្វើទំនើបកម្មអាវុធចំពេលប្រឈមនឹង “ការគំរាមកំហែងយ៉ាងធ្ងន់ធ្ងរ” ពីមហាអំណាចចិន។
ថ្លែងនៅក្នុងសភា លោក Chiu បាននិយាយថា តៃវ៉ាន់ត្រូវការរបស់ទាំងនេះ ដើម្បីឲ្យចិនដឹងថា ពួកគេអាចការពារខ្លួនបាន។
លោកបន្ថែមថា “ការអភិវឌ្ឍន៍ឧបករណ៍ ត្រូវតែមានរយៈចម្ងាយឆ្ងាយ ច្បាស់លាស់និងចល័តដើម្បីឲ្យសត្រូវដឹងថា យើងបានត្រៀមខ្លួនភ្លាមៗនៅពេលពួកគេបញ្ជូនកងទ័ពរបស់ពួកគេ”។
នៅក្នុងរបាយការណ៍ជាលាយលក្ខណ៍អក្សរទៅកាន់សភា ក្រសួងបាននិយាយថា មីស៊ីលរយៈចម្ងាយមធ្យមនិងឆ្ងាយ កំពុងត្រូវបានប្រើក្នុងការធ្វើសមយុទ្ធស្ទាក់ចាប់ នៅកន្លែងធ្វើតេស្តសំខាន់មួយ ឯនាយឆ្នេរសមុទ្រភាគអាគ្នេយ៍កោះតៃវ៉ាន់។
ទោះបីជាយ៉ាងណាក៏ដោយ លោក Chiu បានបដិសេធផ្តល់ព័ត៌មានលម្អិតដល់អ្នកយកព័ត៌មានថាតើ មីស៊ីលរបស់តៃវ៉ាន់អាចហោះបានឆ្ងាយដល់កម្រិតណា។
គួរបញ្ជាក់ថា កោះតៃវ៉ាន់បានត្អូញត្អែរអស់រយៈពេលជាច្រើនខែមកហើយ អំពីសកម្មភាពយោធាចិន ជាពិសេសយន្តហោះចម្បាំងរបស់កងទ័ពអាកាសចូលទៅក្នុងតំបន់ការពារអាកាសរបស់តៃវ៉ាន់។
ប្រទេសចិនបានបង្កើនកិច្ចខិតខំប្រឹងប្រែងដើម្បីបង្ខំឲ្យកោះ ដែលគ្រប់គ្រងដោយលទ្ធិប្រជាធិបតេយ្យមួយនេះ ទទួលយកអធិបតេយ្យភាពរបស់ចិន៕
ប្រែសម្រួល៖ Vann Vann
ប្រភព៖ CNA
ចុចអាន៖ អ៊ីស្រាអែល ទទួលយន្តហោះចម្បាំងបំបាំងកាយថ្មីប្រភេទ F-35 ពីអាមេរិក
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង