ថ្នាំ Molnupiravir ពិតជាអាចជំនួសវ៉ាក់សាំងកូវីដ បានមែនទេ?

Molnupiravir នឹងក្លាយជាថ្នាំគ្រាប់ដំបូងបង្អស់សម្រាប់ការព្យាបាលជំងឺ-១៩ ប្រសិនបើវាទទួលបានការយល់ព្រមតាមបទប្បញ្ញត្តិ ហើយថ្នាំនេះ អាចកាត់បន្ថយឱកាសនៃការស្លាប់ឬសម្រាកព្យាបាលក្នុងមន្ទីរពេទ្យបាន៥០ភាគរយ ចំពោះមនុស្សដែលមានហានិភ័យខ្ពស់បំផុតនៃជំងឺកូវីដ-១៩។

លោក Jay Grobler ប្រធានផ្នែកជំងឺឆ្លងនិងវ៉ាក់សាំង នៅក្រុមហ៊ុន Merck បាននិយាយថា ដោយសារតែថ្នាំ Molnupiravir មិនផ្តោតសំខាន់ទៅលើសរសៃប្រូតេអ៊ីនដែលជាគោលដៅនៃវ៉ាក់សាំងការពារជំងឺកូវីដ-១៩ នាពេលបច្ចុប្បន្ន, ថ្នាំនេះគឺមានប្រសិទ្ធភាពចំពោះវីរុសដែលវិវត្តខ្លួន រួមទាំងវីរុស Delta ផងដែរ។

មានប្រទេសជាច្រើន បានដាក់ការបញ្ជាទិញថ្នាំនេះពីក្រុមហ៊ុន Merck របស់សហរដ្ឋអាមេរិករួចទៅហើយ។

ប៉ុន្តែមានសំណួរថា តើថ្នាំគ្រាប់នេះពិតជាអាចជំនួសវ៉ាក់សាំងបានមែនឬទេ?

ចម្លើយគឺថា ទេ! វ៉ាក់សាំងនៅតែជាខែលដ៏មានប្រសិទ្ធភាពបំផុតប្រឆាំងនឹងកូវីដ-១៩។

ទោះបីជាយ៉ាងណាក៏ដោយ ករណីឆ្លងកូវីដ នៅតែបន្តកើតមានឡើង សូម្បីតែនៅក្នុងចំណោមមនុស្សដែលទទួលថ្នាំបង្ការខ្ពស់ហើយក៏ដោយ ប៉ុន្តែវាមានន័យថា ការព្យាបាលដោយប្រើថ្នាំប្រឆាំងវីរុស នឹងដើរតួយ៉ាងសំខាន់ក្នុងការកំណត់ភាពធ្ងន់ធ្ងរនៃជំងឺ ជាពិសេសចំពោះមនុស្សចាស់និងអ្នកដែលមានប្រព័ន្ធភាពស៊ាំចុះខ្សោយ ដែលវ៉ាក់សាំងមិនសូវផ្តល់ប្រសិទ្ធភាព៕

ប្រែសម្រួល៖ Vann Vann

ប្រភព៖ CNA

ចុចអាន៖ អ្នកជិតខាងកម្ពុជា ស្ថិតក្នុងចំណោមប្រទេសអាស៊ី ប្រញាប់ប្រញាល់បញ្ជាទិញថ្នាំព្យាបាលកូវីដ Molnupiravir