ព័ត៌មានអន្ដរជាតិ
ដំណឹងល្អ! សហរដ្ឋអាមេរិកនឹងចែកចាយវ៉ាក់សាំងកូវីដក្នុងខែនេះ
ការដឹកជញ្ជូនវ៉ាក់សាំងកូវីដដំបូងបង្អស់របស់ក្រុមហ៊ុន Pfizer នឹងត្រូវធ្វើឡើងនៅថ្ងៃទី១៥ខែធ្នូខាងមុខនេះ។ នេះបើយោងតាមឯកសាររបស់កម្មវិធី Operation Warp Speed ដែល CNN ទទួលបានកាលពីថ្ងៃអង្គារ។
ឯកសារដែលបានផ្តល់ជូនក្រុមអភិបាលក៏ត្រូវបានគេប៉ាន់ប្រមាណផងដែរថា ការដឹកជញ្ជូនដំបូងនៃវ៉ាក់សាំងរបស់ក្រុមហ៊ុន Moderna នឹងត្រូវធ្វើឡើងនៅថ្ងៃទី២២ខែធ្នូ។
ទោះបីជាយ៉ាងណាក៏ដោយ កាលបរិច្ឆេទចែកចាយទាំងនេះគឺអាស្រ័យលើសេចក្តីសម្រេចរបស់រដ្ឋបាលចំណីអាហារនិងឱសថអាមេរិក (FDA) ក្នុងការអនុញ្ញាតឲ្យវ៉ាក់សាំងនីមួយៗសម្រាប់ការប្រើប្រាស់ជាបន្ទាន់។ ក្រុមហ៊ុន Pfizer បានដាក់ពាក្យសុំទៅ FDA នៅថ្ងៃទី២០ខែវិច្ឆិកាហើយក្រុមហ៊ុន Moderna បានដាក់ពាក្យស្នើសុំនៅថ្ងៃទី៣០ខែវិច្ឆិកា។
គណៈកម្មាធិការប្រឹក្សាវ៉ាក់សាំងនិងផលិតផលជីវសាស្ត្រ (VRBPAC) ដែលជាក្រុមអ្នកជំនាញឯករាជ្យនឹងជួបប្រជុំគ្នានៅថ្ងៃទី១០ខែធ្នូដើម្បីពិនិត្យឡើងវិញនូវទិន្នន័យរបស់ក្រុមហ៊ុន Pfizer និងធ្វើការផ្តល់អនុសាសន៍ដល់ FDA អំពីថាតើត្រូវអនុញ្ញាតចំពោះវ៉ាក់សាំងនេះឬអត់។
ឯកសារនេះបានគូសបញ្ជាក់អំពីការពិនិត្យរយៈពេល៤ថ្ងៃនៅចន្លោះថ្ងៃទី១១ដល់១៤ខែធ្នូសម្រាប់ការពិនិត្យឡើងវិញដោយគណៈកម្មាធិការផ្តល់យោបល់របស់ FDA និង CDC ស្តីពីការអនុវត្តការចាក់ថ្នាំបង្ការរោគ។ នៅថ្ងៃទី១៥ខែធ្នូ ការដឹកជញ្ជូនវ៉ាក់សាំងកូវីដដូសដំបូងរបស់ក្រុមហ៊ុន Pfizer នឹងត្រូវធ្វើឡើង។
បន្ទាប់ VRBPAC គ្រោងនឹងពិចារណាវ៉ាក់សាំងរបស់ក្រុមហ៊ុន Moderna នៅថ្ងៃទី១៧ខែធ្នូ។ ហើយបន្ទាប់ពីការពិនិត្យឡើងវិញរយៈពេល៤ថ្ងៃចាប់ពីថ្ងៃទី១៨ដល់ថ្ងៃទី២១ខែធ្នូ ឯកសារបានបញ្ជាក់ថា ការដឹកជញ្ជូនវ៉ាក់សាំងដំបូងរបស់ក្រុមហ៊ុន Moderna ត្រូវបានគេប៉ាន់ប្រមាណថានឹងធ្វើឡើងនៅថ្ងៃទី២២ខែធ្នូ។
ឯកសារនេះគូសបញ្ជាក់ថា វ៉ាក់សាំងរបស់ Pfizer ចំនួន២២.៥លានដូសនិងរបស់ក្រុមហ៊ុន Moderna ចំនួន១៨លានដូសនឹងត្រូវផលិតនៅក្នុងខែធ្នូ៕
ប្រែសម្រួលដោយ៖ Vann Vann
ប្រភព៖ CNN
ចុចអាន៖ អាមេរិកផ្ដល់វ៉ាក់សាំងកូវីដ ដល់បុគ្គលិកសុខាភិបាល និងអ្នករស់នៅក្នុងមណ្ឌលថែទាំ មុនគេ
ចុចអាន៖ ចិន ត្រៀមផ្តល់វ៉ាក់សាំងកូវីដរាប់រយលានដូសទៅឲ្យប្រទេសនានាទូទាំងពិភពលោក
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ