មកដឹងលក្ខខ័ណ្ឌមុនឡើងជិះរថភ្លើង ចិន-ឡាវ

ក្រសួងសាធារណការ និងដឹកជញ្ជូនឡាវបានឲ្យដឹងថា បច្ចុប្បន្នសេវាកម្មផ្លូវដែកចិន-ឡាវបានដាក់ដំណើរការរថភ្លើងអគ្គិសនី (EMU) ចំនួន ២ គ្រឿង និងមានស្ថានីយ៍ធំៗចំនួន ៤ ជាមួយនឹងគោលដៅឈប់ចំនួន ៥ ។

ក្រសួងបញ្ជាក់ថា សម្រាប់លក្ខខ័ណ្ឌក្នុងការជិះរថភ្លើងវិញ អ្នកដំណើរនឹងត្រូវតម្រូវឲ្យកាន់អត្តសញ្ញាណមានរូបថត និងវិញ្ញាបនបត្រវ៉ាក់សាំងកូវីដដែលចេញមុន ៧២ ម៉ោង មុនពេលឡើងរថភ្លើង ។

អ្នកដំណើរត្រូវបានណែនាំឲ្យមកដល់ស្ថានីយ៍មួយម៉ោង មុនពេលចេញដំណើរ ដោយប្រើសំបុត្ររបស់ពួកគេជាឯកសារយោងសម្រាប់ការចូលស្ថានីយ និងធ្វើការត្រួតពិនិត្យសុវត្ថិភាព ។

បន្ទាប់ពីត្រួតពិនិត្យហើយ អ្នកដំណើរគួរតែស្ថិតនៅក្នុងកន្លែងរង់ចាំ ហើយការត្រួតពិនិត្យសំបុត្រនឹងធ្វើឡើង ២០ នាទី មុនពេលរថភ្លើងចេញដំណើរ ខណៈសំបុត្រអាចទិញ ៣ ថ្ងៃ មុនថ្ងៃចេញដំណើរ ។

គួរបញ្ជាក់ថា ផ្លូវដែកចិន-ឡាវ ដែលជាគម្រោងដ៏សំខាន់មួយតភ្ជាប់ទីក្រុង Kunming ក្នុងខេត្ត Yunnan ភាគនិរតីនៃប្រទេសចិន ជាមួយនឹងរដ្ឋធានីវៀងច័ន្ទរបស់ឡាវ បានចាប់ផ្តើមដំណើរការកាលពីថ្ងៃសុក្រ ទី២ ខែធ្នូកន្លងទៅនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ មកដឹងតម្លៃសំបុត្រជិះរថភ្លើងរត់លើផ្លូវដែក ចិន-ឡាវ

ចុចអាន ៖ មិនដល់ ១០ នាទីផង ឡាវ ជួបគ្រោះរញ្ជួយដីខ្លាំងក្លា ២ ដង