Connect with us

ព័ត៌មានអន្ដរជាតិ

ករណីម្ដាយចុងវាយធ្វើបាបក្មេងស្រី វៀតណាម រហូតស្លាប់ ពេលនេះ ឈានដល់ការចាប់ខ្លួនឪពុក បង្កើត

បានផុស

នៅ

ប៉ូលិសទីក្រុងហូជីមិញបានចាប់ខ្លួនឪពុករបស់ក្មេងស្រីអាយុ ៨ ឆ្នាំដែលបានស្លាប់ បន្ទាប់ពីរងការធ្វើបាបដោយហិង្សាពីគូកំណាន់របស់គាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសសង្កាត់ Binh Thanh កាលពីថ្ងៃសុក្របានឲ្យដឹងថា លោក Nguyen Kim Trung Thai អាយុ ៣៦ ឆ្នាំដែលត្រូវជាឪពុកនឹងត្រូវស៊ើបអង្កេតលើតួនាទីរបស់គាត់ក្នុងការវាយធ្វើបាបក្មេងស្រីរងគ្រោះ ខណៈពេលនេះប៉ូលិស​បាន​ចាត់​ទុក​គាត់​ជា​អ្នក​សមគំនិត ។

គួរបញ្ជាក់ថា កាលពីថ្ងៃអង្គារប៉ូលិសក៏បានចាប់ខ្លួននាង Nguyen Vo Quynh Trang អាយុ ២៦ ឆ្នាំជាគូកំណាន់របស់លោក Thai ហើយបច្ចុប្បន្នអ្នកទាំងពីរស្ថិត​ក្រោម​ការ​ស៊ើប​អង្កេត​លើ​បទ​ចោទ​ប្រកាន់​ពី​បទ “រំលោភបំពានលើកុមារ” ។

លោក Thai ​បាន​លែង​លះ​ប្រពន្ធ​ដំបូង​កាល​ពី​ឆ្នាំ​មុន ។ ចាប់​តាំង​ពី​ពេល​នោះ​មកលោក និង​នាង Trang បាន​ទៅ​រស់​នៅ​ជាមួយ​កូន​ស្រី​អាយុ​ ៨ ​ឆ្នាំ​នៅ​ផ្ទះ​ល្វែង​មួយ​ក្នុង​សង្កាត់ Binh Thanh។ គេ​និយាយ​ថា នាង​បាន​ធ្វើ​បាប និងវាយធ្វើបាប​ក្មេង​ស្រី​តូច​នេះ​ជា​ញឹក​ញាប់ ហើយលោក Thai ក៏បាន​បដិសេធ​ម្តង​ហើយ​ម្តង​ទៀត​មិន​អនុញ្ញាត​ឲ្យ​ម្តាយ​បង្កើត​ទៅ​លេង​ក្មេង​ស្រី​តូចនេះផងដែរ ។

កាល​ពី​ថ្ងៃ​ទី​២២ ខែ​ធ្នូ Trang បាន​វាយ​ក្មេង​ស្រី​រហូត​ដល់​សន្លប់។ ក្មេង​ស្រី​រង​គ្រោះ​ត្រូវ​បាន​បញ្ជូន​ទៅ​កាន់​មន្ទីរពេទ្យ​ជា​បន្ទាន់ ប៉ុន្តែ​ត្រូវ​បាន​គេ​ប្រកាស​ថា​ស្លាប់​មុន​ពេលទៅ​ដល់ ខណៈលទ្ធផល​ធ្វើ​កោសល្យវិច័យ​បាន​បញ្ជាក់​ថា ក្មេង​ស្រី​រង​គ្រោះ​មាន​ឈាម​ហូរ​ក្រោម​ស្បែក​ថ្ងាស រលាក​ខួរក្បាល​ស្រាល និង​បាក់​ឆ្អឹងជំនី​ ។

ប៉ូលិសនិយាយថា មានស្នាមជាំជាច្រើននៅពេញដងខ្លួនក្មេងស្រីតូចនោះ រួមមានទាំងរបួសដែលជាសះស្បើយរួចហើយផងដែរ ដែលនេះបង្ហាញថា នាងត្រូវបានគេវាយពីមុនមក ។ នៅ​ក្នុង​ផ្ទះល្វែង ប៉ូលិស​បាន​រក​ឃើញ​អម្បោស​បាក់ និង​វត្ថុ​មួយ​ចំនួន​ដែល​បង្ហាញ​ថា ក្មេង​ស្រី​រង​គ្រោះ​ត្រូវ​បាន​គេ​វាយ​និង​បង្ខំ​ឲ្យ​ធ្វើ​ការ​ងារ។ អ្នកជិតខាង​ក៏​បាន​និយាយ​ដែរ​ថា ពួកគេ​តែងតែ​ឮ​ក្មេងស្រី​តូច​យំ ​។

ចំណែកលោក Thai បានសារភាពប្រាប់ប៉ូលិសថា គាត់ដឹងថា គូកំណាន់របស់គាត់តែងតែប្រើរំពាត់ និងដំបងវាយកូនស្រីរបស់គាត់ដើម្បី “អប់រំ” ប៉ុន្តែគាត់មិនបាន “ប្រតិកម្មខ្លាំង” ដើម្បីការពារក្មេងស្រីតូចនេះនោះទេ ហើយបន្ទាប់ពីនាង Trang ត្រូវបានចាប់ខ្លួន ម្តាយបង្កើតរបស់ក្មេងស្រីឈ្មោះ Nguyen Thi Hanh បានស្នើសុំការស៊ើបអង្កេតលើតួនាទីរបស់អតីតប្តីរបស់នាងក្នុងការស្លាប់កូនស្រីពួកគេ ៕

ប្រែសម្រួលដោយ ៖ ជីវ័ន្ត

ប្រភព ៖ VNExpress

ចុចអាន ៖ គ្រប់គ្នាស្ទើរតែមិនជឿថា ម្ដាយចុងធ្វើដល់ថ្នាក់នេះ ក្រោយឃើញរូបមួយសន្លឹក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣០ នាទី មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ២ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៣ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម