នាវា Westerdam ប្រាប់ពេលវេលាដឹកអ្នកដំណើរកម្សាន្តឡើងវិញ ក្រោយជាប់គាំងដោយសារកូវីដ

ក្រុមហ៊ុនទេសចរណ៍ Holland America Line បានប្រកាសថា នាវា Westerdam នឹងមិនបន្តដឹកអ្នកដំណើរកម្សាន្តឡើងវិញដូចដែលបានគ្រោងទុកនាថ្ងៃទី ៨ ខែឧសភា ឆ្នាំ ២០២២ នោះទេ ដោយសារកូវីដ ១៩ និងវីរុសបំប្លែងខ្លួនអូមីក្រុងកំពុងឆ្លងរាលដាលខ្លាំងទូទាំងពិភពលោក ។

ប៉ុន្តែក្រុមហ៊ុនរបស់នាវា Westerdam គ្រោងនឹងចាប់ផ្តើមប្រតិបត្តិការឡើងវិញនៅថ្ងៃទី ១២ ខែមិថុនាជំនួសវិញ ហើយភ្ញៀវដែលរងផលប៉ះពាល់អាចជ្រើសរើសទទួលយកដំណើរកម្សាន្តដែលមានតម្លៃស្មើគ្នានៅលើនាវាកម្សាន្តផ្សេង ឬជ្រើសរើសការសងប្រាក់វិញក៏បាន ។

កាលពីខែកញ្ញាឆ្នាំមុន ក្រុមហ៊ុន Holland America Line បានប្រកាសថា នាវា Westerdam ថ្នាក់ Vista-class នឹងចាប់ផ្តើមដំណើរកម្សាន្តម្តងទៀតទៅកាន់ទីក្រុង Alaska រយៈពេល ៧ ថ្ងៃ ហើយនឹងធ្វើដំណើរជាបន្តបន្ទាប់ពីទីក្រុង Seattle រដ្ឋ Washington ចាប់ផ្តើមពីថ្ងៃទី ៨ ខែឧសភា ឆ្នាំ ២០២២ ។

ប៉ុន្តែជាលទ្ធផល ការសម្រេចដំណើរការកម្សាន្តរបស់នាវា Westerdam ត្រូវបានលុបចោលវិញ ហើយការវិលត្រឡប់របស់នាវាទៅកាន់សេវាកម្មអតិថិជននឹងធ្វើឡើងនៅពាក់កណ្តាលខែមិថុនា ឆ្នាំ ២០២២ ៕

ប្រែសម្រួលដោយ ៖ ជីវ័ន្ត

ប្រភព ៖ Cruise Hive

ចុចអាន ៖ ខណៈ កម្ពុជា ឆ្លងក្នុងសហគមន៍ច្រើនឡើងៗ មកដឹងរបៀប និងថ្នាំលេបព្យាបាល អូមីក្រុង កម្រិតស្រាលឆាប់ជា