រាជធានីថៃ នឹងប្តូរទៅឈ្មោះផ្លូវការ វែងជាងគេបំផុតលើពិភពលោក (មានវីដេអូ)

រាជធានីផ្លូវការរបស់ប្រទេសថៃ កំពុងស្ថិតក្នុងដំណើរការផ្លាស់ប្តូរទៅប្រើឈ្មោះផ្លូវការគឺ “ក្រុងថេបមហានគរ” ប៉ុន្តែឈ្មោះធម្មតារបស់ខ្លួនគឺ “បាងកក” នឹងនៅតែត្រូវបានទទួលស្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមគោលការណ៍ ខុទ្ទកាល័យថៃបានអនុម័តការផ្លាស់ប្តូរឈ្មោះនេះ ប៉ុន្តែបទបញ្ជានៅតែត្រូវការការត្រួតពិនិត្យដោយមន្ត្រីរាជរដ្ឋាភិបាល។

ក្រុងថេបមហានគរ ឬ “ក្រុងថេប” ដែលប្រជាជនថៃភាគច្រើនហៅ គឺជាឈ្មោះកាត់នៃឈ្មោះផ្លូវការ Krungthepmahanakhon Amonrattanakosin Mahintharayutthaya Mahadilokphop Noppharatratchathaniburirom Udomratchaniwetmahasathan Amonphimanawatansathit Sakkathattiyawitsanukamprasit។

ឈ្មោះទីក្រុងដែលវែងជាងគេលើពិភពលោកនេះប្រែថា “ទីក្រុងទេវតា ទីក្រុងដ៏អស្ចារ្យអមតៈ ទីក្រុងដ៏អស្ចារ្យនៃត្បូងទាំងប្រាំបួនអាសនៈ ស្តេចទីក្រុង ព្រះរាជវាំង ផ្ទះរបស់ព្រះដែលបានចាប់កំណើតឡើងដោយសារព្រះពិស្ណុការតាមបញ្ជារបស់ព្រះឥន្ទ្រ”។

យោងតាមសារព័ត៌មាន Thai PBS World បានឲ្យដឹងថា ឈ្មោះ “បាងកក” ត្រូវបានប្រើប្រាស់ចាប់តាំងពីខែវិច្ឆិកាឆ្នាំ២០០១មក ហើយបានមកពីតំបន់ចំណាស់នៃរាជធានីដែលឥឡូវនេះត្រូវបានគេស្គាល់ថាជា បាងកកណូយ និងបាងកកយ៉ៃ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ បាងកក ទទួលទេសចរ ជាង ៧,០០០ នាក់នៅថ្ងៃដំបូងនៃការបើកប្រទេស ថៃ