ប្រជាជនអ៊ុយក្រែន សម្រុកចាកចេញពីទីក្រុង គៀវ និងដកលុយពីទូ ATM (មានវីដេអូ)

លោក វ្ល៉ាឌីមៀរ ពូទីន បានប្រកាសប្រតិបត្តិការយោធាក្នុងប្រទេសអ៊ុយក្រែន នៅម៉ោង៥:៥០០ នាទីព្រឹក (ម៉ោងនៅទីក្រុងមូស្គូ) ហើយប៉ុន្មាននាទីក្រោយមក ការបាញ់ផ្លោង និងមីស៊ីលដំបូង ត្រូវបានបាញ់ចូលទៅក្នុងប្រទេសអ៊ុយក្រែន។

នៅរដ្ឋធានី គៀវ ស៊ីរ៉ែនប្រកាសអាសន្នបានបន្លឺឡើង ហើយរូបភាពបានបង្ហាញពីរថយន្តទាំងជួរៗស្ទះពេញផ្លូវល្បឿនលឿន ពេលដែលមនុស្សភៀសខ្លួនចេញពីទីក្រុង។

ប្រជាពលរដ្ឋខ្លះនិយាយថា ពួកគេកំពុងប្រញាប់ប្រញាល់ចូលក្នុងលេណដ្ឋាន និងចូលទៅក្នុងបន្ទប់ក្រោមដី។ វីដេអូ​ក៏​បង្ហាញ​មនុស្ស​កំពុង​បន់ស្រន់​នៅ​តាម​ដង​ផ្លូវផងដែរ។

អ្នកកាសែត Guardian លោក Luke Harding នៅទីក្រុង គៀវ បាននិយាយនៅលើ Twitter ថា មានមនុស្សតិចណាស់នៅតាមដងផ្លូវ ហើយមនុស្សកំពុងតម្រង់ជួរដកប្រាក់នៅទូ ATM៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ស្លាប់ និងរបួសរាប់រយនាក់ បន្ទាប់ពី រុស្ស៊ី បាញ់មីស៊ីល ដ៏សាហាវទៅ អ៊ុយក្រែន