ព័ត៌មានអន្ដរជាតិ

មេទ័ពកំពូលសំណព្វចិត្តលោក ពូទីន ត្រូវទាហាន អ៊ុយក្រែន បាញ់សម្លាប់ (មានវីដេអូ)

បានផុស

២ years មុន

នៅ

ថ្ងៃសុក្រ ៤ មីនា ២០២២

ដោយ

ការលុកលុយរបស់លោកប្រធានាធិបតីរុស្ស៊ី វ្ល៉ាឌីមៀ ពូទីន ទៅលើអ៊ុយក្រែនបានទទួលរងនូវការបាត់បង់ជីវិតបុគ្គលដ៏លេចធ្លោមួយទៀត បន្ទាប់ពីមេទ័ពកំពូលម្នាក់ត្រូវបានបាញ់សម្លាប់ដោយអ្នកលបបាញ់នៅខាងក្រៅទីក្រុងកៀវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីរាយការណ៍បានឲ្យដឹងថា លោកឧត្តមសេនីយ Andrei Sukhovetsky អាយុ ៤៧ ឆ្នាំត្រូវបានគេបាញ់សម្លាប់ ក្នុងអំឡុងពេលប្រយុទ្ធនៅអាកាសយានដ្ឋាន Hostomel កាលពីសប្តាហ៍មុន ហើយសាកសពរបស់លោកគ្រោងនឹងត្រឡប់មកប្រទេសរុស្សីវិញនៅថ្ងៃសៅរ៍ស្អែកនេះ ។

មេបញ្ជាការវរជនរូបនេះត្រូវបានប្រធានាធិបតីរុស្ស៊ីពេញចិត្តយ៉ាងខ្លាំង ហើយការស្លាប់របស់គាត់នឹងតំណាងឲ្យការបាត់បង់ដ៏សំខាន់បំផុតដែលកងកម្លាំងប្រដាប់អាវុធរុស្ស៊ីបានរងគ្រោះ ។

ចាប់តាំងពីការប្រយុទ្ធមកលោក ពូទីន បានបញ្ជាក់ថា មានតែឧត្តមសេនីយ៍ម្នាក់ប៉ុណ្ណោះត្រូវបានសម្លាប់ ប៉ុន្តែលោកមិនបានបញ្ជាក់ពីអត្តសញ្ញាណរបស់ពួកគេនោះទេ ។

ទន្ទឹមនោះ ក្រសួងការពារជាតិរុស្ស៊ីបាននិយាយនៅក្នុងរបាយការណ៍ដំបូងរបស់ខ្លួនថា រហូតមកដល់ពេលនេះការបាត់បង់ជីវិតផ្នែកយោធា ចាប់តាំងពីការលុកលុយរបស់ទាហានរុស្ស៊ីលើអ៊ុយក្រែនមានចំនួន ៤៩៨ នាក់ និង ១,៥៩៧ នាក់បានរងរបួស ។