ព័ត៌មានអន្ដរជាតិ
រុស្ស៊ី ថា ស្ថានទូតអ៊ុយក្រែននៅ អូទ្រីស ជ្រើសរើសទាហានស៊ីឈ្នួលតាម Facebook (មានវីដេអូ)
ឯកអគ្គរដ្ឋទូតរុស្ស៊ីនៅទីក្រុងវីយែន លោក Dmitry Lyubinsky បាននិយាយកាលពីថ្ងៃអង្គារទី១៧ខែឧសភាថា ស្ថានទូតរបស់អ៊ុយក្រែន នៅក្នុងប្រទេសអូទ្រីស បានព្យាយាមកែនទាហានស៊ីឈ្នួលបរទេស ដើម្បីប្រយុទ្ធប្រឆាំងនឹងយោធារុស្ស៊ីក្នុងប្រទេសអ៊ុយក្រែន នៅលើទំព័រ Facebook ផ្លូវការរបស់ខ្លួន ប៉ុន្តែបានលុបការបង្ហោះដ៏ចម្រូងចម្រាសនោះវិញ បន្ទាប់ពីស្ថានទូតរុស្ស៊ីដាក់ការតវ៉ា។
តាមការលើកឡើងរបស់លោក Lyubinsky លើប្រព័ន្ធផ្សព្វផ្សាយសង្គម, “កាសែត Kleine Zeitung បានរាយការណ៍អំពីការឆ្លើយតបរបស់រដ្ឋមន្ត្រីការបរទេសអូទ្រីស Alexander Schallenberg ទៅនឹងសំណើសភារបស់គណបក្សសេរីភាពអូទ្រីស (FPO)។ របាយការណ៍នេះបង្ហាញថា ស្ថានទូតអ៊ុយក្រែននៅទីក្រុងវីយែន បានព្យាយាមកែនទាហានស៊ីឈ្នួលអូទ្រីសនៅដើមខែមីនាឆ្នាំនេះសម្រាប់ការចូលរួមក្នុងសកម្មភាពយោធា ប្រឆាំងប្រជាជនរុស្ស៊ី នៅលើគណនី Facebook របស់ខ្លួន”។
លោកឯកអគ្គរដ្ឋទូតបាននិយាយថា ជាការឆ្លើយតបទៅនឹងសំណើរបស់សភា ប្រធានពិធីការនៃក្រសួងការបរទេសអូទ្រីស បានជូនដំណឹងភ្លាមៗទៅកាន់ឯកអគ្គរដ្ឋទូតអ៊ុយក្រែនថា សកម្មភាពបែបនេះបំពានលើច្បាប់អូទ្រីស ដោយលើកឡើងពីមាត្រា ៤១ នៃអនុសញ្ញាទីក្រុងវីយែន ស្តីពីទំនាក់ទំនងការទូត។
លោក Lyubinsky បន្ថែមថា ការអំពាវនាវកែនទាហាន ត្រូវបានលុបចេញភ្លាមៗពីគណនីរបស់ស្ថានទូតអ៊ុយក្រែន។
លោក Lyubinsky បញ្ជាក់ថា គ្មានអ្នកការទូតណាម្នាក់នៅស្ថានទូត ទទួលខុសត្រូវចំពោះការរំលោភបំពាននេះទេ។ វិធានការដើម្បីលុបការបង្ហោះមិនសមរម្យនេះ ត្រូវបានធ្វើឡើងបន្ទាប់ពីស្ថានទូតរុស្ស៊ីនៅទីក្រុងវីយែនបានប្រឆាំង និងដាក់ការតវ៉ាជាមួយក្រសួងការបរទេសអូទ្រីស៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Sputnik
ចុចអាន៖ ពូទីន បញ្ជូនអាវុធនុយក្លេអ៊ែរ ទៅព្រំដែន ហ្វាំងឡង់ ហើយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ