ព័ត៌មានអន្ដរជាតិ
ស្លាប់គ្រូនិងសិស្ស ១៥នាក់ ក្នុងការបាញ់ប្រហារនៅ សាលាបឋមសិក្សា អាមេរិក
មនុស្សចំនួន១៥នាក់បានស្លាប់ ក្នុងការបាញ់ប្រហារនៅសាលាបឋមសិក្សាមួយ ក្នុងរដ្ឋតិចសាស់នៅថ្ងៃទី២៤ខែឧសភា (ត្រូវថ្ងៃពុធ ទី២៥ នៅកម្ពុជា)។
ខ្មាន់កាំភ្លើងអាយុ១៨ឆ្នាំឈ្មោះ Salvador Ramos បានសម្លាប់សិស្សចំនួន១៤នាក់និងគ្រូបង្រៀនម្នាក់ នៅសាលាបឋមសិក្សា Robb ក្នុងទីក្រុង Uvalde ដោយប្រើប្រាស់កាំភ្លើងពាក់កណ្តាលស្វ័យប្រវត្តិ AR-15។
អភិបាលរដ្ឋតិចសាស់ លោក Greg Abbott និយាយថា ជនសង្ស័យត្រូវបានសម្លាប់ ពេលបាញ់តបតជាមួយមន្ត្រីប៉ូលិស។
ទីតាំងបរិច្ចាគឈាមបន្ទាន់ ត្រូវបានបង្កើតឡើងនៅថ្ងៃពុធ បន្ទាប់ពីការបាញ់ប្រហារ។
យោងតាមប្រភពពីសមត្ថកិច្ច ខ្មាន់កាំភ្លើង ក៏ត្រូវបានគេសង្ស័យថា សម្លាប់ជីដូនរបស់ខ្លួនផងដែរ មុនពេលបើកការសម្លាប់រង្គាលនៅសាលារៀន។
ស្របពេលជាមួយគ្នានោះ លោកប្រធានាធិបតី Joe Biden បានបញ្ជាឲ្យបង្ហូតទង់ជាតិអាមេរិកពាក់កណ្តាលដង រហូតដល់ព្រះអាទិត្យលិច នៅថ្ងៃសៅរ៍ ទី២៨ ខែឧសភា ដើម្បីជាការកាន់ទុក្ខ។
នៅក្នុងសេចក្តីថ្លែងការណ៍មួយ លោកបានបញ្ជាឲ្យទង់ជាតិសហរដ្ឋអាមេរិកនៅទូទាំងអគារសាធារណៈ និងមូលដ្ឋាន ប៉ុស្តិ៍យោធា ស្ថានីយកងទ័ពជើងទឹក និងនាវាកងទ័ពជើងទឹកទាំងអស់ ត្រូវបង្ហូតពាក់កណ្តាលដង ព្រមទាំងទង់ជាតិនៅស្ថានទូត ការិយាល័យកុងស៊ុល ទីតាំងយោធា និងកងទ័ពជើងទឹកនៅសហរដ្ឋអាមេរិក និង នៅបរទេសផងដែរ។
គួរបញ្ជាក់ថា ការបាញ់ប្រហារនៅសាលាបឋមសិក្សា ដែលមានសិស្សអាយុចាប់ពី៥ឆ្នាំដល់១១ឆ្នាំ នៅតែជារឿងកម្រក្នុង សហរដ្ឋអាមេរិក។
ការវាយប្រហារនេះកើតឡើង ចំពេលដែលអំពើហិង្សាដោយកាំភ្លើងនៅសហរដ្ឋអាមេរិក កំពុងកើនឡើងខ្លាំង៕
ប្រែសម្រួល៖ Vann Vann
ប្រភព៖ BBC
ចុចអាន៖ ត្រឹម២ថ្ងៃ អាមេរិក មានការបាញ់រះ ៣កន្លែង ស្លាប់មនុស្សជាង ១០នាក់
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន