ជនជាតិអង់គ្លេសរាប់រយនាក់ នាំគ្នាតែងខ្លួនជាទេពមច្ឆាដ៏ធំមិនធ្លាប់មាន ដើម្បីបំបែកឯកទគ្គកម្មពិភពលោក

មនុស្សរាប់រយនាក់នាំគ្នាស្លៀកឈុតទេពមច្ឆា ប្រមូលផ្តុំដ៏ធំបំផុតមិនធ្លាប់មាន ដើម្បីបំបែកឯកទគ្គកម្មពិភពលោក Guinness World Record ។

កាលពីថ្ងៃព្រហស្បតិ៍ ទី០២ ខែមិថុនា ឆ្នាំ២០២២ ម្សិលមិញនេះ មនុស្សក្មេងចាស់ ប្រុសស្រីចំនួន ៣៨៨នាក់ បានចូលរួមក្នុងការប្រកួត Mermaid Challenge នៅប្រទេសអង់គ្លេស ​ដើម្បីបំបែក​កំណត់ត្រា​ពិភពលោក​ហ្គីណេស ដំបូងបំផុតលើលោក។

ក្នុងនោះអ្នក​​ចូល​រួម​តម្រូវឱ្យ​លែងខ្លួនទទេ ឬពាក់​អាវ​ហែល​ទឹក ឬឈុត​ប៊ីគីនី និងតែងខ្លួនមួយកំណាត់ក្រោម ធ្វើយ៉ាងណាឱ្យស្រដៀងទៅនឹងត្រី ឬពពួកទេពមច្ឆា។

អ្នករៀបចំកម្មវិធីលោក Pauline Barker បានឱ្យដឹងថា មនុស្សចំនួន ៣៨៨នាក់កំពុងចូលរួមព្រឹត្តិការណ៍ស្លៀកឈុតមច្ឆាដ៏បំផុត ដើម្បីអាចបំបែកកំណត់ត្រាពិភពលោក ខណៈពេលនេះខាងកម្មវិធីកំពុងរង់ចាំការវិនិច្ឆ័យរបស់គណកម្មការ Guinness មុនពេលព្រឹត្តិការណ៍នេះអាចចូលខ្លួនបំបែកឯកទគ្គកម្មជាផ្លូវការ នៅសប្តាហ៍ក្រោយ៕

ប្រែសម្រួល៖ សន្យា

ប្រភព៖ Mirror

ចុចអាន៖ ជប៉ុនកត់ត្រាចំនួនប្រជាជនធ្លាក់ចុះច្រើនបំផុតមិនធ្លាប់មាន ក្នុងឆ្នាំ២០២១