អ៊ុយក្រែន បាញ់មីស៊ីល វាយប្រហារពន្ធនាគារ សម្លាប់អ្នកទោសសង្គ្រាមខ្លួន​ឯង ៤០នាក់

ក្រសួងការពារជាតិរុស្ស៊ីនិយាយនៅថ្ងៃសុក្រទី២៩ខែកក្កដានេះថា អ៊ុយក្រែន បានប្រើប្រាស់ប្រព័ន្ធបាញ់រ៉ុកកែត HIMARS ផលិតដោយសហរដ្ឋអាមេរិក វាយប្រហារពន្ធនាគារមួយនៅក្នុងទឹកដី Donetsk កាន់កាប់របស់ក្រុមបំបែកខ្លួន ដោយសម្លាប់អ្នកទោសសង្គ្រាមខ្លួនឯងចំនួន ៤០ នាក់ និងបណ្តាលឲ្យមនុស្ស ៧៥ នាក់រងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិរុស្ស៊ី បាននិយាយនៅក្នុងសន្និសីទប្រចាំថ្ងៃរបស់ខ្លួនថា “ការវាយប្រហារដោយមីស៊ីលបាញ់ចេញពីប្រព័ន្ធរ៉ុកកែតពហុមុខងារ ដែលផលិតដោយសហរដ្ឋអាមេរិក (HIMARS) ត្រូវបានធ្វើឡើង នៅលើមណ្ឌលឃុំឃាំង មុនការកាត់ក្តី នៅក្នុងតំបន់ Olenivka ជាដែលកន្លែងដែលអ្នកទោសយោធាអ៊ុយក្រែន រួមទាំងអ្នកប្រយុទ្ធមកពីកងវរសេនាតូច Azov ផងដែរ កំពុងត្រូវបានឃុំឃាំង”។

របាយការណ៍បានបន្ថែមថា ជាលទ្ធផលនៃការវាយប្រហារ អ្នកទោសសង្គ្រាមអ៊ុយក្រែនចំនួន ៤០នាក់ត្រូវបានសម្លាប់ និង ៧៥នាក់រងរបួស ហើយបុគ្គលិកពន្ធនាគារ ៨ នាក់ក៏ត្រូវរបួសផងដែរ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ លោក Zelensky ថា អាមេរិក កុំទាន់គិតអំពីអតិផរណា និងកូវីដក្នុងប្រទេស អ្វីដែលសំខាន់ ត្រូវជួយអ៊ុយក្រែន សិន