ព័ត៌មានអន្ដរជាតិ

លោក Zelensky ថា អាមេរិក កុំទាន់គិតអំពីអតិផរណា និងកូវីដក្នុងប្រទេស អ្វីដែលសំខាន់ ត្រូវជួយអ៊ុយក្រែន សិន (មានវីដេអូ)

បានផុស

៤ years មុន

នៅ

ថ្ងៃព្រហស្បតិ៍ ២៨ កក្កដា ២០២២

ដោយ

ប្រធានាធិបតីអ៊ុយក្រែនលោក Vladimir Zelensky បានប្រាប់អ្នកកាសែតអង់គ្លេសលោក Piers Morgan ថា អតិផរណា និងជំងឺកូវីដ១៩គឺ គ្មានអ្វីសំខាន់ទេ បើប្រៀបធៀបទៅនឹងការតស៊ូរបស់អ៊ុយក្រែន ហើយអាមេរិក គួរតែផ្តល់ជំនួយឲ្យទីក្រុង កៀវ រហូតដល់យើងឈ្នះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលសហរដ្ឋអាមេរិក កំពុងប្រឈមមុខនឹងអត្រាអតិផរណាខ្ពស់រយៈពេល ៤០ ឆ្នាំ និងតម្លៃឧស្ម័នក្នុងកម្រិតកំណត់ត្រានោះ ការស្ទង់មតិជាច្រើន បានចាត់ទុកការព្រួយបារម្ភខាងសេដ្ឋកិច្ចទាំងនេះ ថាជាសម្ពាធក្នុងចំណោមប្រជាជនអាមេរិក ខ្លាំងជាងជម្លោះនៅអ៊ុយក្រែនទៅទៀត។ ជាងនេះទៅទៀត ប្រជាជននៅក្នុងសហរដ្ឋអាមេរិកកាន់តែច្រើន បានស្តីបន្ទោសគោលនយោបាយរបស់លោកប្រធានាធិបតី Joe Biden។

ថ្លែងទៅកាន់លោក Morgan ក្នុងបទសម្ភាសន៍តាមទូរទស្សន៍ ដែលបានថតនាពេលថ្មីៗនេះ លោក Zelensky បានរំលឹកដល់ប្រជាជនអាមេរិកដែលធុញទ្រាន់នឹងលំហូរនៃជំនួយទៅអ៊ុយក្រែនថា ប្រទេសទាំងពីរកំពុងប្រយុទ្ធដើម្បីតម្លៃសហគមន៍យ៉ាងពិតប្រាកដ។

លោកបានប្រាប់លោក Morgan ថា “សង្រ្គាមនៅអ៊ុយក្រែន នៅតែជាសង្រ្គាមប្រឆាំងនឹងតម្លៃដែលត្រូវបានប្រកាសនៅក្នុងសហរដ្ឋអាមេរិក និងនៅអឺរ៉ុប។ យើងកំពុងផ្តល់ជីវិតរបស់យើងសម្រាប់តម្លៃរបស់អ្នក និងសន្តិសុខរួមនៃពិភពលោក។ ដូច្នេះ អតិផរណាគឺគ្មានអ្វីសំខាន់ទេ កូវីដក៏គ្មានអ្វីសំខាន់ដែរ។ រឿងទាំងនេះគឺជារឿងបន្ទាប់បន្សំ។ អ្វីដែលសំខាន់បំផុតគឺការរស់នៅនិងរក្សាជីវិតរបស់អ្នក គ្រួសារអ្នកនិងប្រទេសរបស់អ្នក។ ដូច្នេះហើយ នៅពេលនេះ យើងកំពុងធ្វើការងារនេះ ប៉ុន្តែលោកខាងលិចត្រូវជួយយើង”។

ទីក្រុងកៀវនិយាយថា ខ្លួនត្រូវការជំនួយបរទេសដល់ទៅ ៦៥ពាន់លានដុល្លារឯណោះនៅឆ្នាំនេះ។ ទន្ទឹមនោះ ទីប្រឹក្សារបស់លោក Zelensky បានស្នើសុំការបរិច្ចាគអាវុធយ៉ាងច្រើនពីលោកខាងលិច។

លោក Zelensky បានប្រាប់លោក Morgan ថា លោករំពឹងថា នឹងមានការគាំទ្រគ្មានដែនកំណត់ពីបស្ចិមប្រទេស។ ជំនួយនឹងមិនគ្រប់គ្រាន់ទេ រហូតដល់សង្រ្គាមបញ្ចប់ ហើយរហូតដល់យើងឈ្នះ។

មេដឹកនាំអ៊ុយក្រែនបានអះអាងថា ការជួយប្រទេសរបស់លោក គួរតែមានសារសំខាន់សម្រាប់ អាមេរិក ជាងក្តីព្រួយបារម្ភក្នុងស្រុករបស់ពួកគេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ លោក Zelensky អះអាងថា ទាហានរុស្ស៊ី ជិត៤ម៉ឺននាក់ ត្រូវសម្លាប់ ក្នុងអំឡុងពេល៤ខែ នៃសង្គ្រាម

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា