ព័ត៌មានអន្ដរជាតិ
ចារកម្មអាមេរិក ថា ចិន នឹងវាយយក តៃវ៉ាន់ មកគ្រប់គ្រងនៅឆ្នាំ ២០២៧ (មានវីដេអូ)
នាយករងនៃទីភ្នាក់ងារស៊ើបការណ៍សម្ងាត់កណ្តាលអាមេរិក (CIA) បាននិយាយកាលពីថ្ងៃសៅរ៍ទី១៧ ខែកញ្ញាថា មេដឹកនាំចិន លោក ស៊ី ជីនពីង ចង់ឲ្យយោធា ត្រៀមខ្លួនឈ្លានពានកោះតៃវ៉ាន់នៅក្នុងឆ្នាំ២០២៧ ថ្វីបើលោកនឹងមិនចាំបាច់បញ្ជាឲ្យកងទ័ពរំដោះប្រជាជនចិន (PLA) ធ្វើដូច្នេះក៏ដោយ។
អ្នកឆ្លើយឆ្លងព័ត៌មានសន្តិសុខជាតិរបស់ CNN គឺលោកស្រី Katie Bo Lillis បានសរសេរនៅលើ Twitter ថា នាយករង CIA លោក David Cohen បានប្រាប់នាងថា លោក ស៊ី ចង់មានសមត្ថភាពគ្រប់គ្រងតៃវ៉ាន់ដោយកម្លាំងនៅត្រឹមឆ្នាំ២០២៧។
ទោះបីជាយ៉ាងណាក៏ដោយ លោក Cohen បានបន្ថែមថា សហគមន៍ចារកម្មសហរដ្ឋអាមេរិក មិនជឿថា លោក ស៊ី បានធ្វើការសម្រេចចិត្តរួចហើយ អំពីពេលវេលាដែលត្រូវចាប់ផ្តើមការលុកលុយនោះទេ។ មេដឹកនាំចិន នៅតែចង់ទទួលបានការគ្រប់គ្រងតាមរយៈមធ្យោបាយមិនមែនយោធា។
ទីក្រុងប៉េកាំង បាននិយាយជាសាធារណៈថា ខ្លួនមានបំណងបង្រួបបង្រួមតៃវ៉ាន់ជាមួយចិនដីគោកដោយសន្តិវិធី។ នៅក្នុងសេចក្តីប្រកាសកាលពីខែសីហា រដ្ឋាភិបាលចិន បានបញ្ជាក់ពីការប្តេជ្ញាចិត្តចំពោះមធ្យោបាយមិនមែនយោធា ប៉ុន្តែរក្សាជម្រើសនៃវិធានការចាំបាច់ទាំងអស់។
កោះតៃវ៉ាន់ បានច្រានចោលគោលការណ៍ “ប្រទេសមួយ ប្រព័ន្ធពីរ” ហើយទីក្រុងតៃប៉ិ បានបញ្ជាក់ថា មានតែប្រជាជនតៃវ៉ាន់ប៉ុណ្ណោះ ដែលនឹងសម្រេចអនាគតរបស់ពួកគេ។
តៃវ៉ាន់ បានគ្រប់គ្រងខ្លួនឯងចាប់តាំងពីកងកម្លាំងជាតិនិយមដឹកនាំដោយ Chiang Kai-shek ភៀសខ្លួនទៅកាន់កោះនេះក្នុងឆ្នាំ១៩៤៩ បន្ទាប់ពីពួកគេចាញ់សង្គ្រាមស៊ីវិល ក្រោមដៃពួកកុម្មុយនិស្ត។
ភាពតានតឹងនៅច្រកសមុទ្រតៃវ៉ាន់ បានឈានដល់ចំណុចក្តៅមួយកាលពីខែមុន បន្ទាប់ពីដំណើរទស្សនកិច្ចទៅកាន់ទីក្រុងតៃប៉ិ ដោយប្រធានសភាអាមេរិក លោកស្រី Nancy Pelosi។
ដោយសារតែលោកស្រី Pelosi គឺជាសមាជិកនៃគណបក្សនយោបាយរបស់ប្រធានាធិបតីអាមេរិក Joe Biden និងជាមន្ត្រីកំពូលលំដាប់ទីពីរនៅក្នុងជួររដ្ឋាភិបាលសហរដ្ឋអាមេរិក, ប្រទេសចិនបានចាត់ទុកដំណើរទស្សនកិច្ចនោះថាជាការគាំទ្រយ៉ាងច្បាស់ក្រឡែត ចំពោះឯករាជ្យភាពរបស់តៃវ៉ាន់ ហើយបានឆ្លើយតបដោយការធ្វើសមយុទ្ធយោធាទ្រង់ទ្រាយធំនៅជុំវិញកោះនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ព្រឹទ្ធសភាអាមេរិក ចាត់វិធានដំបូង ដើម្បីផ្តល់ជំនួយយោធាដោយផ្ទាល់ ទៅឲ្យ តៃវ៉ាន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ