Connect with us

ព័ត៌មានអន្ដរជាតិ

ណាតូ ថា រុស្ស៊ី មិនអាចឈ្នះ សង្គ្រាមនុយក្លេអ៊ែរ ទេ

បានផុស

នៅ

ណាតូ បានប្រាប់ទីក្រុងមូស្គូយ៉ាងច្បាស់ថា រុស្ស៊ីមិនអាចឈ្នះសង្រ្គាមនុយក្លេអ៊ែរបានទេ។ នេះបើតាមសម្តីអគ្គលេខាធិការនៃប្លុកដឹកនាំដោយសហរដ្ឋអាមេរិក លោក Jens Stoltenberg ប្រាប់ទៅរ៉យទ័រកាលពីថ្ងៃពុធ ទី២១ខែកញ្ញា។

ដោយសំដៅទៅប្រធានាធិបតីរុស្ស៊ី វ្ល៉ាឌីមៀរ ពូទីន, លោក Stoltenberg បានប្រាប់និពន្ធនាយករ៉យទ័រ Alessandra Galloni នៅខាងក្រៅមហាសន្និបាតអង្គការសហប្រជាជាតិក្នុងទីក្រុងញូវយ៉កថា “នេះគឺជាវោហាសាស្ត្រនុយក្លេអ៊ែរដ៏គ្រោះថ្នាក់ និងមិនប្រុងប្រយ័ត្ន។ គាត់ដឹងយ៉ាងច្បាស់ថា សង្រ្គាមនុយក្លេអ៊ែរ មិនគួរត្រូវបានប្រយុទ្ធ និងមិនអាចឈ្នះបានទេ ហើយវានឹងមានផលវិបាកដែលមិនធ្លាប់មានពីមុនមកសម្រាប់រុស្ស៊ី”។

នៅពេលសួរថាតើ ណាតូ នឹងធ្វើអ្វីក្នុងករណីដែលរុស្ស៊ីប្រើអាវុធបរមាណូ លោក Stoltenberg បានឆ្លើយថា វាអាស្រ័យលើកាលៈទេសៈ ប៉ុន្តែប្លុកនេះច្បាស់ណាស់ថា សង្គ្រាមនុយក្លេអ៊ែរមិនអាចឈ្នះដោយរុស្ស៊ីបានឡើយ។

លោកបានបន្ថែមថា “រហូតមកដល់ពេលនេះ យើងមិនឃើញមានការផ្លាស់ប្តូរណាមួយនៅក្នុងឥរិយាបថនុយក្លេអ៊ែររបស់រុស្ស៊ីនោះទេ ប៉ុន្តែ ណាតូ កំពុងតាមដានយ៉ាងដិតដល់។

នៅក្នុងសុន្ទរកថាដែលផ្សាយកាលពីថ្ងៃពុធ លោក ពូទីន បានចោទប្រកាន់លោកខាងលិចថា កំពុងព្យាយាមបំបែករុស្ស៊ី ហើយនិយាយថា ទីក្រុងមូស្គូនឹងប្រើប្រាស់គ្រប់មធ្យោបាយដើម្បីការពារបូរណភាពទឹកដីរបស់ប្រទេសនេះ រួមទាំងការកំញើញនុយក្លេអ៊ែររបស់ខ្លួនផងដែរ ក្នុងករណីមានការវាយប្រហារដោយអាវុធប្រល័យលោក។ លោកពូទីន បានសង្កត់ធ្ងន់ថាគាត់មិននិយាយកុហកទេអំពីរឿងនេះ៕

ប្រែសម្រួល៖ Vann Vann

ប្រភព៖ RT

ចុចអាន៖ ចូ បៃដិន៖ ពូទីន បានរំលោភធម្មនុញ្ញ UN ដោយឥតអៀនខ្មាស ជាមួយនឹងការលុកលុយ អ៊ុយក្រែន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម