ព័ត៌មានអន្ដរជាតិ
ជំងឺអាថ៌កំបាំង សម្លាប់សិស្សសាលាវៀតណាមម្នាក់ ខណៈជាង ៧០០នាក់ធ្លាក់ខ្លួនឈឺ (មានវីដេអូ)
សិស្សជាង៧០០នាក់ នៅខេត្ត Bac Kan ភាគខាងជើង បានធ្លាក់ខ្លួនឈឺយ៉ាងអាថ៌កំបាំង ហើយកុមារអាយុ ៨ឆ្នាំម្នាក់ ត្រូវបាត់បង់ជីវិត។
នាយកដ្ឋានអប់រំ និងបណ្តុះបណ្តាលស្រុក Cho Don បាននិយាយថា សាលាបឋមសិក្សា Bang Lung កាលពីដើមសប្តាហ៍នេះ បានរាយការណ៍ពីការផ្ទុះជំងឺគ្រុនក្តៅនៅសាលារៀន។
ចាប់តាំងពីថ្ងៃចន្ទមក ស្រុកទាំងមូល មានសិស្សចំនួន៧៣៦នាក់ក្នុងចំណោមសិស្សទាំង ១០ ០០០នាក់ ដែលត្រូវសម្រាកនៅផ្ទះ ដោយសារតែបញ្ហាសុខភាពផ្សេងៗ។ សិស្ស៦៩៨នាក់ក្នុងចំណោមនោះ មានអាការក្តៅខ្លួន ខណៈអ្នកផ្សេងទៀតចេញរោគសញ្ញាដូចជា ឈឺពោះ ឬឈឺជើង។
មជ្ឈមណ្ឌលវេជ្ជសាស្ត្រស្រុក Cho Don ក៏បានទទួលសិស្សបឋម និងសិស្សមត្តេយ្យជាច្រើននាក់ ដែលចេញរោគសញ្ញាដូចជាក្អក និងក្តៅខ្លួន ផងដែរ។
លោក Nong Van Quan ប្រធានមជ្ឈមណ្ឌលបាននិយាយថា មជ្ឈមណ្ឌលបានប្រមូលសំណាកសិស្សទាំងអស់ សម្រាប់ធ្វើតេស្តរកមូលហេតុ។
សំណាកចំនួន៧ ត្រូវបានបញ្ជូនទៅវិទ្យាស្ថានជាតិអនាម័យ និងរោគរាតត្បាតនៅទីក្រុងហាណូយ ដើម្បីធ្វើតេស្ត ហើយសំណាកចំនួន៥ បានបង្ហាញលទ្ធផលវិជ្ជមានចំពោះជំងឺគ្រុនផ្តាសាយប្រភេទ B ចំណែកសំណាកផ្សេងទៀត មានលទ្ធផលអវិជ្ជមាន។
ទោះបីជាយ៉ាងណាក៏ដោយ មូលហេតុច្បាស់លាស់មិនទាន់ត្រូវបានបញ្ជាក់នៅឡើយទេ។
គួរបញ្ជាក់ថា ជំងឺគ្រុនផ្តាសាយប្រភេទ B គឺឆ្លងតាមប្រព័ន្ធផ្លូវដង្ហើម ហើយរយៈពេលចេញរោគសញ្ញាគឺប្រហែលមួយទៅបីថ្ងៃ។ រោគសញ្ញារួមមានគ្រុនក្តៅ ក្អក និងឈឺបំពង់ក ហើយនៅក្នុងករណីធ្ងន់ធ្ងរ វាអាចប៉ះពាល់ដល់ផ្លូវដង្ហើម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ VN Express
ចុចអាន៖ លេចចេញជំងឺអាថ៌កំបាំងមួយទៀត ពេលនេះសម្លាប់មនុស្សជិត ១០០នាក់ហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង