ព័ត៌មានអន្ដរជាតិ
លេចចេញជំងឺអាថ៌កំបាំងមួយទៀត ពេលនេះសម្លាប់មនុស្សជិត ១០០នាក់ហើយ
ការស៊ើបអង្កេតមួយ បានចាប់ផ្តើមនៅក្នុងប្រទេសស៊ូដង់ខាងត្បូង បន្ទាប់ពីមនុស្សជិត១០០នាក់ ត្រូវបានសម្លាប់ដោយសារជំងឺអាថ៌កំបាំងមួយ។
អង្គការសុខភាពពិភពលោក (WHO) បានបញ្ជូនក្រុមការងារមួយទៅកាន់ប្រទេសនេះ ក្នុងគោលបំណង កំណត់អត្តសញ្ញាណជំងឺអាថ៌កំបាំង ដែលមកទល់ពេលនេះ បានបណ្តាលឲ្យមនុស្សចំនួន៨៩នាក់បានស្លាប់រួចទៅហើយ។
ក្រុមអ្នកវិទ្យាសាស្ត្រឆ្លើយតបរហ័ស ត្រូវបានបញ្ជូនទៅកាន់ទីប្រជុំជន Fangak ភាគខាងជើងរដ្ឋ Jonglei ដើម្បីប្រមូលសំណាកពីអ្នកដែលបានធ្លាក់ខ្លួនឈឺ។ ប៉ុន្តែមន្ត្រីសុខាភិបាលនៅក្នុងទីក្រុងបាននិយាយថា សំណាកដំបូងពីអ្នកដែលឈឺ គឺចេញលទ្ធផលអវិជ្ជមានជំងឺអាសន្នរោគ។
លោកស្រី Sheila Baya នៅ WHO បាននិយាយថា “យើងបានសម្រេចចិត្តបញ្ជូនក្រុមឆ្លើយតបរហ័ស ដើម្បីទៅធ្វើការវាយតម្លៃហានិភ័យ និងការស៊ើបអង្កេត។ នោះគឺជាពេលដែលពួកគេនឹងអាចប្រមូលសំណាកពីមនុស្សឈឺ ប៉ុន្តែជាបណ្តោះអាសន្ន តួលេខដែលយើងទទួលបាននោះគឺថា មានអ្នកស្លាប់ចំនួន៨៩នាក់”។
មានសេចក្តីរាយការណ៍ថា ទឹកជំនន់ធ្ងន់ធ្ងរ បានជំរុញការរីករាលដាលនៃជំងឺនានា ដូចជាគ្រុនចាញ់ជាដើម នៅក្នុងរដ្ឋជាប់ព្រំដែន Unity។ សត្វក្នុងស្រុកក៏បានស្លាប់ផងដែរ បន្ទាប់ពីការធ្លាយប្រេងក្នុងតំបន់បានបំពុលទឹក៕
ប្រែសម្រួល៖ Vann Vann
ប្រភព៖ Daily Star
ចុចអាន៖ ផ្ទុះជំងឺអាថ៌កំបាំងមួយនៅអាហ្វ្រិក ស្លាប់និងឆ្លងសិស្សពេញសាលារៀន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ