ព័ត៌មានអន្ដរជាតិ
អ៊ុយក្រែន ចាប់ផ្តើមសាងសង់ជញ្ជាំងព្រំដែន ជាប់ បេឡារុស
ទីក្រុងកៀវ បានចាប់ផ្តើមសាងសង់ជញ្ជាំងនៅតាមព្រំដែនរបស់ខ្លួន ជាមួយប្រទេសបេឡារុសហើយ។ នេះបើយោងតាមការប្រកាសកាលពីថ្ងៃសុក្រទី១១ខែវិច្ឆិកា ដោយលោក Kirill Timoshenko ដែលជាអគ្គសេនាធិការរងរបស់លោកប្រធានាធិបតី Vladimir Zelensky។
ជញ្ជាំងបេតុង និងកំពែងផ្សេងទៀត កំពុងត្រូវបានសាងសង់នៅក្នុងតំបន់ភាគខាងលិច Volyn, Rovno និង Zhytomyr។
លោក Timoshenko បានសរសេរនៅលើឆានែល Telegram របស់គាត់ថា “ព្រំដែនប្រហែល ៣ គីឡូម៉ែត្រត្រូវបានរៀបចំរួចហើយ ការងារកំពុងបន្ត។ យើងនឹងមិនបង្ហាញព័ត៌មានលម្អិតផ្សេងទៀតឡើយ”។
ទោះព្រំដែនរវាងប្រទេសទាំងពីរលាតសន្ធឹងក្នុងប្រវែងជាង ១០០០គីឡូម៉ែត្រក៏ដោយ ប៉ុន្តែជញ្ជាំងនេះ គ្របដណ្តប់តែផ្នែកតូចប៉ុណ្ណោះ។ ផ្នែកដ៏ធំនៃព្រំដែនគឺស្ថិតនៅលើដីរដិបរដុប បឹង និងទន្លេ ហើយការសាងសង់ជញ្ជាំងតាមបណ្តោយចម្ងាយទាំងមូល ទំនងជាមិនចាំបាច់ទេ។
ផែនការសាងសង់ជញ្ជាំងជាប់ប្រទេសបេឡារុស បានចាប់ផ្តើមផ្តួចផ្តើមក្នុងប្រទេសអ៊ុយក្រែនកាលពីឆ្នាំមុន ដោយមន្ត្រីជាន់ខ្ពស់ទីក្រុងកៀវ បានលើកឡើងពីការធ្វើចំណាកស្រុកខុសច្បាប់ និងវត្តមានរបស់ទាហានរុស្ស៊ីនៅក្នុងប្រទេសជិតខាង។
ទីក្រុងកៀវបានចោទប្រកាន់ទីក្រុង មីនស្កិ៍ ម្តងហើយម្តងទៀតថាជាភាគីនៃជម្លោះជាមួយទីក្រុងមូស្គូ ខណៈខ្លួនបានផ្តល់ការគាំទ្រផ្នែកភ័ស្តុភារដល់រុស្ស៊ី និងបើកដៃទទួលកងទ័ពរបស់ទីក្រុងមូស្គូ។ ទោះបីជាយ៉ាងណាក៏ដោយ បេឡារុសបានច្រានចោលការចោទប្រកាន់នេះ។
កាលពីខែធ្នូឆ្នាំមុន ប្រធានសភាអ៊ុយក្រែន លោក Ruslan Stefanchuk បាននិយាយថា ការចំណាយលើជញ្ជាំង ត្រូវបានប៉ាន់ប្រមាណថាអស់ទឹកប្រាក់ប្រហែល៦២២លានដុល្លារ៕
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ប៉ាន់ស្មានចំនួនទាហានស្លាប់ទាំងសងខាង ក្នុងសង្គ្រាម រុស្ស៊ី-អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង