Connect with us

ព័ត៌មានអន្ដរជាតិ

រុស្ស៊ី ប្រមូលយន្តហោះទម្លាក់គ្រាប់បែកដាក់នៅមូលដ្ឋាន ត្រៀមបើកការវាយប្រហារថ្មី លើអ៊ុយក្រែន (មានវីដេអូ)

បានផុស

នៅ

រុស្ស៊ីហាក់ដូចជាកំពុងរៀបចំ សម្រាប់ការវាយប្រហារអាកាសទ្រង់ទ្រាយធំមួយផ្សេងទៀតលើប្រទេសអ៊ុយក្រែន ខណៈយន្តហោះទម្លាក់គ្រាប់បែកជាង២០គ្រឿង ត្រូវបានគេប្រទះឃើញ ប្រមូលផ្តុំនៅឯមូលដ្ឋានទ័ពអាកាសដ៏សំខាន់មួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះទម្លាក់គ្រាប់បែករយៈចម្ងាយឆ្ងាយ Tu-95 និង Tu-160 ជាង២០គ្រឿងគ្រឿង បានប្រមូលផ្តុំនៅឯមូលដ្ឋានទ័ពអាកាស Engels-2 ក្បែរទីក្រុង Saratov រួមជាមួយនឹងធុងសាំង យានជំនិះ និងគ្រឿងផ្គត់ផ្គង់ជួសជុល។

ក្រុមអ្នកវិភាគនិយាយថា ប្រអប់ដែលទំនងជាផ្ទុកមីស៊ីល Kh-55 និង Kh-101 ក៏ត្រូវបានគេមើលឃើញផងដែរនៅជិតយន្តហោះ ដោយនេះបង្ហាញថា ការវាយប្រហារទ្រង់ទ្រាយធំលើអ៊ុយក្រែនគឺជិតកើតឡើងហើយ។

ការវាយប្រហារ នឹងផ្តោតសំខាន់លើការបំផ្លាញបណ្តាញថាមពល និងទឹករបស់អ៊ុយក្រែន។ បណ្តាញទាំងនេះ ត្រូវបានវាយប្រហាររួចទៅហើយ ដោយមីស៊ីលផ្លោង និងដ្រូន kamikaze ផលិតដោយអ៊ីរ៉ង់ ក្នុងប៉ុន្មានសប្តាហ៍ថ្មីៗនេះ។

រូបភាពនេះ ​ត្រូវ​បាន​ថត​បាន​កាល​ពី​ថ្ងៃ​ទី ២៨ ខែ​វិច្ឆិកា ហើយ​​បោះពុម្ព​លើក​ដំបូង​ដោយទស្សនាវដ្តី Der Spiegel របស់​អាល្លឺម៉ង់។

អ៊ុយក្រែន ​បាន​ប្រឈមនឹង​ការ​វាយ​ប្រហារ​ផ្លូវ​អាកាស​ពីសំណាក់​រុស្ស៊ី​បន្ថែម​ទៀត​ ដោយស៊ីរ៉ែនប្រកាសអាសន្ន ត្រូវបានបន្លឺឡើងជាច្រើនលើកនៅទូទាំងប្រទេស ក្នុងសប្តាហ៍នេះ។

កាលពីថ្ងៃអាទិត្យ ប្រធានាធិបតីអ៊ុយក្រែនលោក Volodymyr Zelensky ក៏បានព្រមានដែរថា រុស្ស៊ីកំពុងរៀបចំផែនការវាយប្រហារបន្ថែមទៀត។ លោកបានប្រាប់អ្នកទស្សនានៅក្នុងសុន្ទរកថាពេលយប់ថា “យើងយល់ថា ពួកភេរវករកំពុងរៀបចំផែនការវាយប្រហារថ្មី។ ពិតណាស់ យើងដឹងរឿងនេះ។ ហើយ​ដរាបណា​ពួកគេ​មាន​នៅតែមានមីស៊ីល ពួកគេ​នឹង​មិន​ស្ងប់ចិត្ត​ឡើយ​”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ណាតូ ប្តេជ្ញាផ្តល់អាវុធបន្ថែម និងជួសជុលហេដ្ឋារចនាសម្ព័ន្ធថាមពល អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម