ព័ត៌មានអន្ដរជាតិ
ណាតូ ប្តេជ្ញាផ្តល់អាវុធបន្ថែម និងជួសជុលហេដ្ឋារចនាសម្ព័ន្ធថាមពល អ៊ុយក្រែន (មានវីដេអូ)
អង្គការណាតូ បានសន្យាផ្តល់អាវុធបន្ថែមទៀតដល់អ៊ុយក្រែន និងជួយជួសជុលហេដ្ឋារចនាសម្ព័ន្ធថាមពលសំខាន់ៗដែលរងការខូចខាតយ៉ាងធ្ងន់ធ្ងរ ដោយការវាយប្រហារមីស៊ីល និងយន្តហោះគ្មានមនុស្សបើករបស់រុស្ស៊ី។
នៅឯកិច្ចប្រជុំកំពូលក្នុងទីក្រុង ប៊ុយការ៉េស, អគ្គលេខាធិការសម្ព័ន្ធភាពយោធាមួយនេះគឺ លោក Jens Stoltenberg បានចោទប្រកាន់ទីក្រុងមូស្គូថា “ព្យាយាមប្រើរដូវរងាជាអាវុធនៃសង្គ្រាម”។
ការវាយប្រហាររបស់រុស្ស៊ី បានធ្វើឲ្យប្រជាជនអ៊ុយក្រែនរាប់លាននាក់គ្មានអគ្គិសនីនិងទឹកប្រើប្រាស់ ក្នុងសីតុណ្ហភាពត្រជាក់។
ក្រោមអនុសញ្ញាទីក្រុងហ្សឺណែវ, ការវាយប្រហារលើជនស៊ីវិល ឬហេដ្ឋារចនាសម្ព័ន្ធសំខាន់សម្រាប់ការរស់រានមានជីវិតរបស់ពួកគេ អាចត្រូវបានគេបកស្រាយថាជាឧក្រិដ្ឋកម្មសង្គ្រាម។
ថ្លែងនៅពេលចាប់ផ្តើមការជួបជុំរដ្ឋមន្ត្រីការបរទេសណាតូ រយៈពេលពីរថ្ងៃក្នុងរដ្ឋធានីរបស់ប្រទេសរ៉ូម៉ានី លោក Stoltenberg បាននិយាយថា “រុស្ស៊ីពិតជាបរាជ័យក្នុងសមរភូមិ។ ជាការឆ្លើយតបចំពោះរឿងនោះ ឥឡូវពួកគេកំពុងវាយប្រហារលើគោលដៅជនស៊ីវិល និងទីក្រុងនានាដោយសារពួកគេមិនអាច ដណ្តើមយកទឹកដីបាន”។
កាលពីរាត្រីថ្ងៃអង្គារ ណាតូបានចេញសេចក្តីថ្លែងការណ៍មួយដែលនិយាយថា ការវាយប្រហារឥតឈប់ឈររបស់រុស្ស៊ីលើបណ្តាញជនស៊ីវិល និងថាមពលអ៊ុយក្រែនគឺ ជាការបំផ្លាញសេវាមូលដ្ឋានរបស់មនុស្សរាប់លាននាក់។
សេចក្តីថ្លែងការណ៍បានបន្ថែមថា សមាជិកណាតូ នឹងជួយអ៊ុយក្រែនក្នុងការជួសជុលហេដ្ឋារចនាសម្ព័ន្ធថាមពលរបស់ខ្លួន និងការពារប្រជាជនពីការវាយប្រហារដោយមីស៊ីល។
ហើយនៅក្នុងសន្និសីទសារព័ត៌មានរួមគ្នាជាមួយរដ្ឋមន្ត្រីការបរទេសអ៊ុយក្រែន Dmytro Kuleba, លោក Stoltenberg បាននិយាយថា “យើងនឹងឈរក្បែរអ៊ុយក្រែន ដរាបណាពួកគេត្រូវការ យើងនឹងមិនដកថយឡើយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ ណាតូ ព្រមានថា លោក ពូទីន កំពុងប្រើ រដូវរងាជាអាវុធ ក្នុងសង្គ្រាមអ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ