Connect with us

ព័ត៌មានអន្ដរជាតិ

អគ្គរដ្ឋអាជ្ញា អាមេរិក រកឃើញថា អង្គការ Trump មានទោសពីបទក្លែងបន្លំពន្ធ

បានផុស

នៅ

អគ្គរដ្ឋអាជ្ញានៅទីក្រុងញូវយ៉កកាលពីថ្ងៃអង្គាររកឃើញថា អង្គការ Trump ដែលជាក្រុមហ៊ុនកាន់កាប់អាជីវកម្មជាច្រើនរបស់អតីតប្រធានាធិបតី Donald Trump មានទោសពីបទក្លែងបន្លំពន្ធ ។

អគ្គរដ្ឋអាជ្ញាបានរកឃើញថា ក្រុមហ៊ុនមានកំហុសក្នុងគម្រោងរយៈពេល ១៥ ឆ្នាំ ដែលប្រព្រឹត្តដោយនាយកប្រតិបត្តិកំពូលរបស់ក្រុមហ៊ុន ​គឺដើម្បីគេចវេសពីការបង់ពន្ធលើប្រាក់ចំណូលផ្ទាល់ខ្លួន និងអត្ថប្រយោជន៍ការងារផ្ទាល់ខ្លួនផ្សេងៗ រួមមាន ផ្ទះល្វែងប្រណីត និងរថយន្តទំនើបៗ ហើយនៅក្នុងខែមករាខាងមុខនេះ សវនាការកាត់ទោសនឹងអាចពិន័យដល់ ១.៦ លានដុលា្លរ ជាពិសេសក្រុមហ៊ុនអាចត្រូវជាប់កេរ្តិ៍ឈ្មោះអាក្រក់ក្នុងបញ្ជីការធ្វើជំនួញនាពេលអនាគតផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងរឿងរ៉ាវនេះដែរ លោក Alvin Bragg មេធាវីប្រចាំតំបន់ Manhattan បាននិយាយថា នេះគឺជាករណីលោភលន់ និងការបោកប្រាស់​របស់ក្រុមហ៊ុនលោក Donald Trump ។ ក្រុមហ៊ុន Trump និង Trump Payroll គឺមានដំណើរការឈ្ពោះទៅមុខជាមួយគ្រោងការណ៍ដែលនឹងផ្តល់រង្វាន់ដល់នាយកប្រតិបត្តិកម្រិតខ្ពស់ជាមួយនឹងអត្ថប្រយោជន៍ និងសំណងដ៏ខ្ជះខ្ជាយ ជាពិសេសគឺលាក់បាំងផលប្រយោជន៍ដោយចេតនាពីអាជ្ញាធរពន្ធដារដើម្បីចៀសវាងការបង់ពន្ធ ហើយតាមរយៈសាលក្រមនេះ ក្រុមហ៊ុន Trump នឹងទទួលខុសត្រូវចំពោះគម្រោងឧក្រិដ្ឋកម្មគេចពន្ធរបស់ពួកគេ ។

បណ្តឹងនេះ គឺជាការស៊ើបអង្កេតមួយក្នុងចំណោមការស៊ើបអង្កេតជាច្រើនលើលោក​ Donald Trump និងហិរញ្ញវត្ថុរបស់លោកដែលមានតាំងពីពេលគាត់កំពុងកាន់តំណែងជាប្រធានាធិបតីមកម្ល៉េះ ។

ដោយឡែក ក្រៅពីការគេចពន្ធ លោក Trump ក៏ធ្លាប់ទទួលបានបណ្តឹងផ្សេងៗទៀតផងដែរដោយទាក់ទងនឹងការបោកប្រាស់ពីទំហំទឹក​ប្រាក់ដែលលោកមាន និងរំលោភលើច្បាប់ហាមប្រាមក្នុងរដ្ឋធម្មនុញ្ញសហរដ្ឋអាមេរិកដោយអនុញ្ញាតឲ្យឥស្សរជនបរទេសជួលបន្ទប់នៅសណ្ឋាគារ Trump International ក្នុងទីក្រុងវ៉ាស៊ីនតោនឌីស៊ី ។

ទន្ទឹមនឹង ពាក្យបណ្តឹងទាំងនោះ ក៏ដូចជាការស៊ើបអង្កេតផ្សេងៗពី FBI ក៏ទាក់ទងនឹងឯកសារសេតវិមានដែលលោក Trump បានយកទៅទុកនៅអចលនទ្រព្យ Mar-a-Lago របស់លោកផងដែរ នៅពេលដែលលោកបានចាកចេញពីតំណែង ។​ ចំពោះករណីនេះ លោក Donald Trump និយាយថា គឺជាការរារាំងលោកមិនឲ្យវិលត្រលប់ទៅកាន់អំណាចវិញនៅក្នុងការបោះឆ្នោតឆ្នាំ ២០២៤ ខាងមុខ ។

គួរបញ្ចាក់ថា ក្រុមហ៊ុន Trump ជាអង្គការអាជីវកម្មរបស់គ្រួសារលោក Donald Trump ដែលបង្កើតឡើងតាំងតែពីឆ្នាំ ១៩២៧ មកម្ល៉េះ ដោយរួមមានអាជីវកម្មជិត ៥០០ ដែលសុទ្ធតែជាកម្មសិទ្ធិរបស់អតីតប្រធានាធិបតីសហរដ្ឋអាមេរិករូបនេះ ៕

ប្រែសម្រួលដោយ ៖ រតនៈ

ប្រភព ៖​ Sputnik

ចុចអាន ៖ អាមេរិក អាចនឹងអស់លុយឲ្យ អ៊ុយក្រែន ទប់ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៩ នាទី មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង១ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម២ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ២ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានជាតិ២ ម៉ោង មុន

ជាង ៣០ ឆ្នាំ KOICA ផ្តល់ជំនួយជាង ៣៦០ លានដុល្លារដល់កម្ពុជា អភិវឌ្ឍន៍ ៤ វិស័យ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម