ព័ត៌មានអន្ដរជាតិ
កូរ៉េខាងជើង បញ្ជាក់ពីការធ្វើតេស្តដ៏សំខាន់ ដើម្បីបង្កើតផ្កាយរណបចារកម្ម
ប្រព័ន្ធផ្សព្វផ្សាយរដ្ឋរបស់កូរ៉េខាងជើង KCNA បានផ្សាយនៅថ្ងៃចន្ទទី១៩ ខែធ្នូនេះថា ទីក្រុងព្យុងយ៉ាង បានធ្វើការសាកល្បងដំណាក់កាលចុងក្រោយដ៏សំខាន់ សម្រាប់ផ្កាយរណបចារកម្ម ដែលខ្លួនចង់បញ្ចប់ឲ្យរួចរាល់ត្រឹមខែមេសា ឆ្នាំ២០២៣។
របាយការណ៍នេះ ត្រូវបានចេញផ្សាយ មួយថ្ងៃបន្ទាប់ពីយោធាកូរ៉េខាងត្បូង និងជប៉ុនបានរាយការណ៍អំពីការបាញ់មីស៊ីលផ្លោងរយៈចម្ងាយមធ្យមចំនួនពីរគ្រាប់របស់កូរ៉េខាងជើង ឆ្ពោះទៅកាន់ឆ្នេរសមុទ្រភាគខាងកើតរបស់ខ្លួន។
យោងតាមសារព័ត៌មាន KCNA បានឲ្យដឹងថា រដ្ឋបាលអភិវឌ្ឍលំហអាកាសជាតិ (NADA) របស់ទីក្រុងព្យុងយ៉ាង បានធ្វើការសាកល្បងនៅស្ថានីយ៍បាញ់បង្ហោះផ្កាយរណប Sohae នាភាគពាយព្យ ដើម្បីពិនិត្យមើលសមត្ថភាពនៃការថតរូបភាពផ្កាយរណប ការបញ្ជូនទិន្នន័យ និងប្រព័ន្ធគ្រប់គ្រងលើដី។
យានផ្ទុកផ្កាយរណបគំរូ ដែលរួមបញ្ចូលកាមេរ៉ាជាច្រើន ឧបករណ៍បញ្ជូននិងទទួលរូបភាព ឧបករណ៍បញ្ជា និងថ្មផ្ទុក ត្រូវបានបាញ់ទៅមុំខាងលើកម្ពស់ ៥០០គីឡូម៉ែត្រ។
អ្នកនាំពាក្យ NADA បានហៅការធ្វើតេស្តនេះថាជា ដំណើរការច្រកផ្លូវចុងក្រោយនៃការបាញ់បង្ហោះផ្កាយរណបឈ្លបយកការណ៍ ដែលនឹងបញ្ចប់នៅខែមេសាឆ្នាំ២០២៣។
គួរបញ្ជាក់ជាថ្មីថា ប្រទេសកូរ៉េខាងជើង បានធ្វើការសាកល្បងមីស៊ីលជាច្រើនគ្រាប់ មិនធ្លាប់មានក្នុងឆ្នាំនេះ រួមទាំងមីស៊ីលផ្លោងអន្តរទ្វីប (ICBM) ដែលត្រូវបានរចនាឡើងដើម្បីបាញ់ទៅដល់ដីគោករបស់សហរដ្ឋអាមេរិកផងដែរ៕
ប្រែសម្រួល៖ Vann Vann
ប្រភព៖ CNA
ចុចអាន៖ អាមេរិក បង្កើតកងកម្លាំងអវកាសនៅ កូរ៉េខាងត្បូង ដើម្បីតាមដានការបាញ់ មីស៊ីលរបស់ កូរ៉េខាងជើង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង