ទ័ពសាធារណរដ្ឋប្រជាមានិត Donetsk បើកការវាយប្រហារដោយកាំភ្លើងធំ​នៅជិតទីក្រុងញូវយ៉ក (មានវីដេអូ)

អ្នកឆ្លើយឆ្លងព័ត៌មាន Sputnik ដែលបង្កប់ខ្លួនជាមួយកងកម្លាំងរុស្ស៊ីបានរាយការណ៍ថា អង្គភាពកងជីវពលសាធារណរដ្ឋប្រជាមានិត Donetsk (DPR) បានបាញ់ផ្លោងលើទីតាំងរបស់កងកម្លាំងអ៊ុយក្រែននៅខាងក្រៅការតាំងទីលំនៅនៃទីក្រុងញូវយ៉ក ។

មេបញ្ជាការអង្គភាពកាំភ្លើងធំ Howitzer បានប្រាប់អ្នកយកព័ត៌មានថា “ខ្មាំងសត្រូវ​ត្រូវ​រង​ការ​ខាត​បង់​យ៉ាងធ្ងន់ធ្ងរ ។ នៅពេលនេះ ពួកគេកំពុងព្យាយាមជម្លៀសបុគ្គលិករបស់ពួកគេ ហើយកំពុងដកថយពីខ្សែត្រៀមជួរមុខរបស់ពួកគេយ៉ាងលឿន បន្ទាប់ពីកងទ័ព DPR បានបាញ់កាំភ្លើងធំតម្រង់ទៅទីតាំងសត្រូវ” ។

គួរបញ្ជាក់ថា ទីក្រុងញូវយ៉ក គឺជាការតាំងទីលំនៅក្នុងទីក្រុងតូចមួយដែលស្ថិតនៅភាគខាងជើងនៃតំបន់ Donetsk ។ ទីក្រុងដែលមានប្រជាជនប្រហែល ៩,៧០០ នាក់មួយនេះបានទទួលឈ្មោះដូចទីក្រុងរបស់សហរដ្ឋអាមេរិកនៅក្នុងទសវត្សរ៍ឆ្នាំ ១៨៤០ បន្ទាប់ពីត្រូវបានតាំងទីលំនៅដោយក្រុម Mennonites ក្នុង Donbass នៃប្រទេសរុស្ស៊ី ។

ក្រោយមកការតាំងទីលំនៅនេះត្រូវបានប្តូរឈ្មោះទៅជា Novgorodskoye ក្នុងឆ្នាំ ១៩៥១ ប៉ុន្តែនៅឆ្នាំ ២០២១ សភាអ៊ុយក្រែនបានអនុម័តច្បាប់មួយដើម្បីប្តូរឈ្មោះការតាំងទីលំនៅនេះត្រឡប់ទៅ ញូវយ៉ក វិញ ។

ទន្ទឹមនោះ ការតាំងទីលំនៅនេះ មានទីតាំងនៅជិតខ្សែបន្ទាត់ជួរមុខនៃការប្រយុទ្ធគ្នាយ៉ាងខ្លាំងក្លារវាងកងជីវពលអ៊ុយក្រែន និងកងជីវពល DPR ចាប់តាំងពីឆ្នាំ ២០១៤ មក ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក ពូទីន ថា រុស្ស៊ី នឹងកម្ទេចប្រព័ន្ធការពារដែនអាកាស Patriot បើ អាមេរិក ហ៊ានឲ្យ អ៊ុយក្រែន