ព័ត៌មានអន្ដរជាតិ
ទេសចរធ្វើដំណើរក្នុងប្រទេស ចិន ធ្លាក់ចុះខ្លាំង ចំពេលមានការកើនឡើង កូវីដ
រដ្ឋាភិបាលចិននិយាយថា ចំនួនមនុស្សដែលបានធ្វើដំណើរក្នុងប្រទេសក្នុងអំឡុងពេលចុងឆ្នាំ និងថ្ងៃឈប់ឆ្នាំថ្មី គឺមានប្រហែល ៤០ ភាគរយប៉ុណ្ណោះ ចំពេលមានការកើនឡើងនៃករណីឆ្លងកូវីដ ១៩ ក្នុងប្រទេសសាជាថ្មី ។
ទីផ្សារទេសចរណ៍ក្នុងស្រុក មានការធ្វើដំណើរចំនួន ៥២.៧១ លានដងប៉ុណ្ណោះ ក្នុងអំឡុងពេលថ្ងៃឈប់សម្រាករយៈពេល ៣ ថ្ងៃ ចាប់ពីថ្ងៃសៅរ៍ដល់ថ្ងៃចន្ទនៃឆ្នាំថ្មីនេះ ។
ចំពោះទិន្នន័យនេះ គេកត់សម្គាល់ឃើញថា ទេសចរក្នុងស្រុកមានកំណើនតិចបំផុតគឺ 0.៤ ភាគរយ បើធៀបនឹងរយៈពេលដូចគ្នាកាលពីឆ្នាំមុន នៅពេលដែលចិនដំណើរការច្បាប់រឹតត្បិតលើកូវីដ ១៩ យ៉ាងតឹងរ៉ឹងបំផុត ។ ចំនួននេះគឺធ្លាក់មកនៅសល់តែ ៤៣ ភាគរយប៉ុណ្ណោះ បើប្រៀបធៀបទៅនឹងកាលពី ៤ ឆ្នាំមុន មុនពេលមិនទាន់មានកូវីដ ១៩ ។
ជាមួយគ្នានោះ នាថ្ងៃឆ្លងឆ្នាំ ទីលានធានអានមិន និងកន្លែងពាណិជ្ជកម្មក្នុងរដ្ឋធានីប៉េកាំង គឺមានសភាពអ៊ូអរយ៉ាងខ្លាំងក្នុងអំឡុងពេលថ្ងៃឈប់សម្រាក ។ ប៉ុន្តែវិស័យទេសចរណ៍ហាក់មិនបានងើបឡើងវិញទាំងស្រុងនៅឡើយទេ ព្រោះមនុស្សជាច្រើនទំនងជាជ្រើសរើសទៅលេងតំបន់ទេសចរណ៍ក្បែរនោះ ជាជាងធ្វើដំណើរឆ្លងខេត្ត ។
ដោយឡែក ដើម្បីស្តារសេដ្ឋកិច្ចឡើងវិញ រដ្ឋាភិបាលចិន បានបន្ធូរបន្ថយច្បាប់រឹតបន្តឹងកូវីដ ១៩ ដើម្បីឲ្យប្រជាពលរដ្ឋអាចធ្វើដំណើរ និងអាជីវកម្មផ្សេងៗឡើងវិញបាន ៕
ប្រែសម្រួលដោយ ៖ នាង រតនៈ
ប្រភព ៖ NHK
ចុចអាន ៖ ដឹងទេ ប្រទេសណាខ្លះហើយដាក់ការរឹតត្បិតលើអ្នកទេសចរ ចិន ក្រោយផ្ទុះ កូវីដ ជាថ្មី?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង