ការរញ្ជួយដ៏ខ្លាំងបន្ថែមទៀត បានវាយប្រហារប្រទេសតួកគី បន្ទាប់ពីមនុស្សរាប់ពាន់នាក់ត្រូវស្លាប់ និងរាប់ម៉ឺននាក់ទៀតរងរបួសនៅក្នុងការរញ្ជួយដីខ្លាំងក្លាយចំនួនពីរលើកដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រុមសិក្សាភូគព្ភសាស្ត្រអាមេរិក ការរញ្ជួយដីកម្រិត៥.៤រ៉ិចទ័រ បានវាយប្រហារភាគខាងកើតប្រទេសតួកគី នៅម៉ោងជាង២រសៀល (ម៉ោងនៅកម្ពុជា) ហើយមុននេះកន្លះម៉ោង ការរញ្ជួយដីកម្រិត ៤.៥រ៉ិចទ័រ ក៏ត្រូវបានកត់ត្រាផងដែរ។

យ៉ាងហោចណាស់ មានការរញ្ជួយដីធំៗចំនួន១៤លើកនៅក្នុងតំបន់ ចាប់តាំងពីពាក់កណ្តាលអធ្រាត្រមក។

មនុស្សយ៉ាងតិច៤៩០០នាក់បានស្លាប់នៅទូទាំងប្រទេសតួកគី និងស៊ីរី ខណៈអង្គការសុខភាពពិភពលោក (WHO) ព្រមានថា អ្នកស្លាប់អាចឡើងដល់ ២ម៉ឺននាក់ក្នុងរយៈពេលប៉ុន្មានថ្ងៃខាងមុខនេះ។

គិតត្រឹមពេលនេះ មនុស្សជាង ៧៨០០ នាក់នៅក្នុងប្រទេសតួកគី ត្រូវបានជួយសង្គ្រោះនៅទូទាំងខេត្តចំនួន ១០ ហើយក្រុមជួយសង្គ្រោះមកពីជុំវិញពិភពលោក កំពុងធ្វើដំណើរទៅកាន់ចំណុចកណ្តាលដើម្បីជួយ៕

ប្រែសម្រួល៖ Vann Vann

ប្រភព៖ SKY

ចុចអាន៖ ប្រាសាទបុរាណសម័យរ៉ូម៉ាំង ត្រូវកម្ទេចក្នុងគ្រោះរញ្ជួយដីនៅ តួកគី