រុស្ស៊ី ជោគជ័យបាញ់បង្ហោះយានអវកាស ១០០ ដងជាប់គ្នា ជាលើកដំបូង

ចាប់ពីខែតុលា ឆ្នាំ ២០១៨ ដល់បច្ចុប្បន្ននេះ ការបាញ់បង្ហោះយានអវកាសរបស់រុស្ស៊ីទទួលបានជោគជ័យ ១០០ ដងជាប់ៗគ្នាហើយ ដោយនៅក្នុងនោះ ការបាញ់បង្ហោះចំនួន ៤៦ លើកត្រូវបានធ្វើឡើងពីវាលបាញ់បង្ហោះ Baikonur, ៣៦ ដងពីទីតាំង Plesetsk និង ៩ លើកទៀតពីទីតាំង Vostochny និង Guiana ។

ការ​បាញ់​បង្ហោះគ្រាប់រ៉ុកកែតទៅកាន់ស្ថានីយអវកាសអន្តរជាតិ (ISS)​ គឺត្រូវ​បាន​កំណត់​ពេល​ឲ្យស្រប​នឹង​ខួប​លើក​ទី ៨០ នៃ​ជ័យជម្នះ​ក្នុង​សមរភូមិ Stalingrad ក្នុង​ឆ្នាំ ១៩៤៣ ។

យាន Progress MS-22 នឹងបញ្ជូនទំនិញជាង ២.៥ តោនទៅកាន់ ISS ដោយដឹកទំនិញស្ងួតសម្រាប់នាវិក និងប្រព័ន្ធស្ថានីយ៍ ប្រេងឥន្ធនៈ ទឹកផឹក អាសូត ដើម្បីរក្សាបរិយាកាសនៅលើ ISS ក៏ដូចឧបករណ៍សម្រាប់ស្រាវជ្រាវអវកាសជាដើម ។

ចំណែកនៅក្នុងខែមិថុនា ឆ្នាំ ២០២១ រុស្ស៊ីក៏បានបង្កើតកំណត់ត្រាជាតិនៃការបាញ់បង្ហោះយានអវកាសដោយជោគជ័យផងដែរចំនួន ៦០ ជាប់ៗគ្នានៅក្នុងប្រវត្តិសាស្ត្រទំនើបរបស់ខ្លួន ។ ដោយឡែក ចំពោះសមិទ្ធិផលពីមុន គឺការបាញ់បង្ហោះជោគជ័យត្រឹមចំនួន ៥៩ លើក​​ជាប់ៗគ្នាប៉ុណ្ណោះ ដែលត្រូវបានអនុវត្តចាប់ពីខែកុម្ភៈ ឆ្នាំ ១៩៩២ ដល់ខែមីនា ឆ្នាំ ១៩៩៣ ៕​

ប្រែសម្រួលដោយ ៖ នាង រតនៈ

ប្រភព ៖ Sputnik

ចុចអាន ៖ លោក ពូទីន បញ្ជាក់ច្បាស់ៗថា រុស្ស៊ី កំពុងព្យាយាមបញ្ឈប់អរិភាពនៅ អ៊ុយក្រែន