ថៃ ត្រៀមរៀបចំបុណ្យប្រពៃណីជាតិចំនួន ១៦ ដើម្បីបង្ហាញអន្តរជាតិ

មន្ត្រីជាន់ខ្ពស់ក្រសួងវប្បធម៌ថៃ លោកស្រី យួផា បាននិយាយថា ក្រសួងវប្បធម៌ថៃគ្រោងនឹងប្រកាសដាក់ពិធីបុណ្យប្រពៃណីថៃចំនួន ១៦ ចូលជាបុណ្យប្រពៃណីជាតិដែលបានត្រៀមរួចជាស្រេចក្នុងការលើកកម្ពស់ឲ្យឈានដល់កម្រិតជាតិ និងអន្តរជាតិ ដើម្បីទាក់ទាញភ្ញៀវទេសចរបរទេសឱ្យស្គាល់ជ្រួតជ្រាបនូវវប្បធម៌ដ៏ល្អផូរផង់របស់ថៃ ដើម្បីបង្កើតការងារ បង្កើនប្រាក់ចំណូល លើកស្ទួយសេដ្ឋកិច្ចប្រទេសប្រកបដោយនិរន្តរភាព។

លោកស្រីបន្តថា ក្រសួងវប្បធម៌ថៃមានបំណងជំរុញកិច្ចការនេះឱ្យស្របតាមគំរូសេដ្ឋកិច្ចថ្មី (BCG) ក៏ដូចការជំរុញថាមពលទន់ (Soft Power) ឲ្យក្លាយជាថៃ ដើម្បីបន្ថែមតម្លៃដល់សេដ្ឋកិច្ចច្នៃប្រឌិត បង្កើតប្រាក់ចំណូល និងជាអត្តសញ្ញាណដ៏ល្អចំពោះជាតិប្រកបដោយនិរន្តរភាព ជាពិសេសឧស្សាហកម្មវប្បធម៌ច្នៃប្រឌិតដែលមានសក្តានុពល តាមរយៈការជំរុញពិធីបុណ្យប្រពៃណីជាតិទាំងនេះឲ្យឈានទៅដល់កម្រិតជាតិ និងអន្តរជាតិដែលមានការគាំទ្រពីក្រសួងអប់រំផងដែរ។

ពិធីបុណ្យប្រពៃណីជាតិចំនួន ១៦ រួមមាន៖

១. បុណ្យប្រពៃណីរំលឹកគុណដល់មេឃ (មហាបុព្វបុរស) ប្រារព្ធនៅខេត្តប៉ាតានី
២. ពិធីបុណ្យបេតិកភណ្ឌពិភពលោក (បានសៀង) ប្រារព្ធនៅខេត្តឧដនថានី
៣. បុណ្យប្រពៃណី នមស្សការថ្វាយបង្គំព្រះមហាអធិធាតុព្រោះចៅពញាសៀងហៀង ប្រារព្ធនៅខេត្តណាន
៤. ពិធីបុណ្យហែរផ្កាម្លិះ ប្រារព្ធនៅខេត្តយសូធុន
៥. បុណ្យប្រពៃណីដង្ហែព្រះបរមរតនកោដ្ឋថ្វាយនគរស៊ីធម្មរាត ប្រារព្ធនៅខេត្តនាខនស៊ីថាំរាត
៦. ពិធីបុណ្យមហោស្រពសិល្បៈ (KORAT Street Art) ប្រារព្ធនៅខេត្តនគររាជស៊ីម៉ា
៧. ពិធីបុណ្យអរិយធម៌ខមបុរាណប្រាសាទសិលា (ស្តកគោកធំ) ប្រារព្ធនៅខេត្តស្រះកែវ
៨. ពិធីបុណ្យ (KRAM & CRAFT SAKON FESTIVAL) ម្ចាស់នៃធម្មជាតិ ប្រារព្ធនៅខេត្តសាគុនណាខន
៩. ពិធីបុណ្យអាហារឆ្ងាញ់ ទីក្រុងភូកេត ដែលទីក្រុងច្នៃប្រឌិតម្ហូបអាហារ ប្រារព្ធនៅខេត្តភូកេត
១០. ពិធីបុណ្យភូមិ ប្រារព្ធនៅខេត្តឈុនបុរី
១១. បុណ្យមហោស្រព (របាំជំនឿថ្វាយស្តេចសាខារ៉ា) ប្រារព្ធនៅខេត្តម៉េហ៊ុងសន
១២. ពិធីបុណ្យប្រពៃណីចូលព្រះវស្សា ប្រារព្ធនៅខេត្តសារ៉ាបុរី
១៣. បុណ្យប្រពៃណីបួងសួងថ្វាយបង្គំព្រះផាយ៉ាស៊ីសតណារ៉ាត ប្រារព្ធនៅខេត្តនគរភ្នំ
១៤. ពិធីបុណ្យប្រពៃណីជនជាតិភាគតិចថៃលឺ ប្រារព្ធនៅខេត្តផាយ៉ៅ
១៥. ពិធីបុណ្យប្រពៃណីមហោស្រពសិល្បៈ និងអាហារ ទីក្រុងច្នៃប្រឌិត ប្រារព្ធនៅខេត្តផេតបូរី
១៦. ពិធីបុណ្យបង្ហោះគោមនៅក្រុងឡាំភូន ប្រារព្ធនៅខេត្តឡាំភូន៕

ប្រែសម្រួល៖ គង់ សំអាន

ប្រភព៖ komchadluek

ចុចអាន៖ ថៃ-ម៉ាឡេស៊ី បង្កើនទំហំពាណិជ្ជកម្ម ឲ្យកើនដល់ ១ទ្រីលានបាត