ព័ត៌មានអន្ដរជាតិ
រុស្ស៊ី បង្អួតអាវុធទំនើបបំផុតប្រមាណ ២០០ ប្រភេទ
ប្រទេសរុស្ស៊ីបានដាក់តាំងបង្ហាញអាវុធ និងឧបករណ៍យោធាប្រហែល ២០០ ប្រភេទនៅឯពិព័រណ៍ Aero India ឆ្នាំ ២០២៣ ដែលបានរៀបចំឡើងកាលពីថ្ងៃចន្ទ ទី១៣ ខែកុម្ភៈនេះ ខណៈយោងតាមអ្នករៀបចំបានឲ្យដឹងថា ក្រុមហ៊ុនចំនួន ៨០៧ រួមទាំងក្រុមហ៊ុនបរទេសចំនួន ១០៩ បានចូលរួមក្នុងព្រឹត្តិការណ៍នេះ ។
ក្រុមហ៊ុនលក់សព្វាវុធរដ្ឋរុស្ស៊ី Rosoboronexpoert បាននិយាយថា ក្រុមហ៊ុនបានបង្ហាញអំពីអាវុធទំនើបបំផុត និងគ្រឿងបរិក្ខារយោធាដែលផលិតដោយរុស្សីប្រហែល ២០០ ប្រភេទ រួមទាំងយន្តហោះចម្បាំងពហុមុខងារជំនាន់ទី ៥ Su-57E និងយន្តហោះចម្បាំងធុនស្រាល Checkmate ។
លើសពីនេះ អ្នកទស្សនាការតាំងពិព័រណ៍អាកាស Aero India ឆ្នាំ ២០២៣ នឹងអាចឃើញយន្តហោះដឹកជញ្ជូនយោធាប្រភេទ Il-76MD-90A(E), នាវាចាក់ប្រេងលើអាកាស Il-78MK-90A, យន្តហោះចម្បាំង Su-35 និង Su-30SME, យន្តហោះចម្បាំងជួរមុខពហុតួនាទី MiG-35D ក៏ដូចជាឧទ្ធម្ភាគចក្រប្រយុទ្ធ Ka-52E និង Mi-28NE និងយានដឹកជញ្ជូនយោធា Mi-171Sh ។
ទន្ទឹមនោះ រុស្សីក៏បានបង្ហាញយានគ្មានមនុស្សបើកឈ្លបយកការណ៍ និងវាយប្រហារ Orion-E, យាន Orlan-10E និងយាន Orlan-30 ដែលបានចាប់ផ្តើមផលិតនៅឆ្នាំ ២០២២ ។
ចំណែកនៅក្នុងផ្នែកការពារដែនអាកាសវិញ ក្រុមហ៊ុន Rosoboronexport ក៏បានតាំងបង្ហាញប្រព័ន្ធខែលការពារដែនអាកាសរយៈចម្ងាយឆ្ងាយ S-400 Triumf, ប្រព័ន្ធមីស៊ីលការពារដែនអាកាស S-350E Vityaz, ប្រព័ន្ធមីស៊ីល Viking, ប្រព័ន្ធមីស៊ីល Tor-M2KM និងប្រព័ន្ធបាញ់មីស៊ីលពីដីទៅអាកាស Tor-M2E ។
បន្ថែមពីនេះ ប្រព័ន្ធការពារកាំជ្រួចមីស៊ីល Abakan 98R6E ដែលត្រូវបានរចនាឡើងដើម្បីកម្ទេចមីស៊ីលផ្លោងយុទ្ធសាស្ត្រ និងប្រតិបត្តិការទំនើបៗ ត្រូវបានដាក់តាំងបង្ហាញនៅក្នុងប្រទេសឥណ្ឌាជាលើកដំបូង ខណៈប្រព័ន្ធប្រឆាំងយន្តហោះគ្មានមនុស្សបើកដែលផលិតដោយរុស្ស៊ី រួមមាន Repellent, RLK-MCE, RB-504P-E និង RB-504A-E ក៏បានដាក់បង្ហាញផងដែរ ។
គួរបញ្ជាក់ថា ការតាំងបង្ហាញយន្តហោះប្រចាំឆ្នាំ Aero India លើកទី ១៤ បានចាប់ផ្ដើមដំណើរការនៅទីក្រុង Bangalore កាលពីថ្ងៃទី ១៣ ដល់ថ្ងៃទី ១៧ ខែកុម្ភៈ ខណៈកាលពីឆ្នាំ ២០២១ ប្រទេសរុស្សី ដែលជាអ្នកចូលរួមយ៉ាងសកម្មនៅក្នុងកម្មវិធីនេះ ក៏បានបង្ហាញផលិតផលយោធាជាង ២០០ ប្រភេទផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ លោក Lavrov ៖ អាមេរិក ទទួលស្គាល់ថា ពិតជាអ្នកបំផ្ទុះបំពង់បង្ហូរប្រេង Nord Stream មែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង