អាជ្ញាធរ​ថៃ​បាន​ចេញ​ច្បាប់​ដែក​ចំនួន ៤ ​សម្រាប់​អ្នក​ចូល​រួមក្នុង​ពិធី​បុណ្យ​សង្ក្រាន្ត​ចូលឆ្នាំថ្មី ក្នុង​គោលបំណង​ការពារ​ការ​ប្រារព្ធ​ពិធី​ប្រកបទៅដោយភាពរលូន និងងាយស្រួលក្នុងការគ្រប់គ្រង ។

អ្នកចូលរួមក្នុងពីធីបុណ្យសង្ក្រាន្តទាំងជនជាតិថៃ និងជនបរទេសដែលស្លៀកពាក់មិនសមរម្យ គឺត្រូវបានរារាំងមិនឲ្យលេងបាញ់ទឹកដាក់គ្នានោះទេ ជាពិសេសនោះគឺមិនត្រូវស្រាតដាច់ខាត ដោយសារតែថៃ គឺជាប្រទេសអភិរក្សនិយម ។

ចំណែកច្បាប់ដែកចំនួន ៤ ដែលអាជ្ញាធរថៃដាក់ចេញដើម្បីឲ្យអ្នកចូលរួមអនុវត្តនោះរួមមាន៖

-មិនត្រូវអាក្រាតកាយ

-ស្រីៗមិនត្រូវបញ្ចេញល្វែងលើ

-មិនត្រូវលេងបាតម្សៅ

-មិនត្រូវប្រើកាំភ្លើងបាញ់ទឹកដែលមានកម្លាំងខ្លាំង

គួរបញ្ជាក់ថា ភ្ញៀវទេសចរបរទេសជាង ៣ ម៉ឺននាក់រំពឹងនឹងចូលរួមក្នុងពិធីបុណ្យសង្ក្រាន្តចូលឆ្នាំថ្មីនៅទីក្រុងបាងកក និងខេត្តទេសចរណ៍ផ្សេងទៀតរបស់ប្រទេសដែលប្រារព្ធឡើងតាំងតែថ្ងៃព្រហស្បតិ៍ ទី១៣ ខែមេសាមកម្ល៉េះ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ ថៃ កំពុងប្រារព្ធបុណ្យសង្ក្រាន្តចូលឆ្នាំថ្មី ក្រោមសីតុណ្ហភាព ៥០ អង្សាសេ