ថៃ កំពុងប្រារព្ធបុណ្យសង្ក្រាន្តចូលឆ្នាំថ្មី ក្រោមសីតុណ្ហភាព ៥០ អង្សាសេ

យោងតាមនាយកដ្ឋានឧតុនិយមថៃបានឲ្យដឹងនៅថ្ងៃសុក្រនេះថា តំបន់មួយចំនួននៅក្នុងប្រទេសដូចជា នៅខេត្ត Krabi ដែលជាខេត្តឆ្នេរសមុទ្រភាគខាងលិចរបស់ថៃ នឹងជួបប្រទះនូវសីតុណ្ហភាពឡើងដល់ ៥៤.២ អង្សាសេ អំឡុងពិធីបុណ្យសង្ក្រាន្តចូលឆ្នាំថ្មីនេះ ។

ទន្ទឹមនោះ នៅក្នុងសង្កាត់ Bang Na របស់ទីក្រុងបាងកក នឹងក្លាយជាទីតាំងក្ដៅបំផុតលំដាប់ទី ២ បន្ទាប់ពីខេត្ត Krabi ដោយសីតុណ្ហភាពនឹងកើនឡើងដល់ ៥០.២ អង្សាសេ ។

ដោយឡែក តំបន់ក្តៅបំផុតចំនួន ៣ ផ្សេងទៀតនៅក្នុងប្រទេសគឺខេត្ត Phetchabun សីតុណ្ហភាព ៤៤.៣ អង្សាសេ, ខេត្ត Chonburi ៤៣.២ អង្សាសេ និងស្រុក Chok Chai នៃខេត្ត Nakhon Ratchasima មានសីតុណ្ហភាព ៤១.៣ អង្សាសេ ។

ស្របពេលជាមួយគ្នានេះ នាយកដ្ឋានក៏បាននិយាយផងដែរថា មនុស្សដែលព្យាយាមនៅខាងក្រៅក្នុងសីតុណ្ហភាពចន្លោះពី ៤១ អង្សាសេ និង ៥៤ អង្សាសេ អាចប្រឈមហានិភ័យនៃការរមួលសាច់ដុំ និងជំងឺដាច់សរសៃឈាមខួរក្បាលជាដើម ហើយវាអាចប៉ះពាល់ខ្លាំងដល់សុខភាពមនុស្ស ជាពិសេសកុមារ មនុស្សចាស់ និងអ្នកដែលមានជំងឺស្រាប់ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ ដឹងទេ តើប្រទេសអាស៊ានណាខ្លះប្រារព្ធពិធីបុណ្យចូលឆ្នាំថ្មីប្រពៃណីជាតិ ដូច កម្ពុជា ដែរ?