ព័ត៌មានអន្ដរជាតិ
ខ្យល់ព្យុះនៅប្រទេសថៃ បានសម្លាប់កីឡាករបាល់ទាត់៦នាក់ និងរបួស១៩នាក់
ព្យុះដ៏កំណាចមួយបានបោកបក់ចូលខេត្តភីជីត ប្រទេសថៃដែលបង្កអោយមានការបាក់រលំផ្ទះប្រជាពលរដ្ឋជាច្រើនខ្នង និងបានគួចបំបាក់ក្លឹបហាត់ប្រាណមួយកន្លែងបណ្តាលអោយកីឡាកបាល់ទាត់៦នាក់បានបាត់បង់ជីវិត និង១៩នាក់ទៀតរងរបួស ។
យោងតាមការផ្សាយរបស់ទូរទស្សន៍ប៉ុស្តិលេខ៣ថៃបានបញ្ជាក់ថា ហេតុការណ៍នៃគ្រោះធម្មជាតិដ៏សាហាវនេះ បានកើតឡើងនៅវេលាម៉ោង៥ល្ងាច ថ្ងៃទី២៣ ខែឧសភា ឆ្នាំ២០២៣ នៅក្នុងបរិវេណសាលារៀន ណឺនប៉ ក្នុងឃុំណឺនប៉ ស្រុកសាយង៉ាម ខេត្តភីជីត ប្រទេសថៃ។
ព័ត៌មានបានបន្តថា នៅមុនពេលកើតហេតុគឺមានភ្លៀងធ្លាក់មួយមេយ៉ាងខ្លាំង រហូតដល់មានព្រិលធ្លាក់ បន្ទាប់មកក៏មានខ្យល់ព្យុះគួចចូលភូមិជាច្រើនភូមិ។ នៅពេលនោះដែរក្រុមកីឡាបាល់ទាត់ និងគ្រូបង្វឹក បាននាំគ្នារត់ចូលទៅជ្រកភ្លៀងក្នុងកន្លែងហាត់ប្រាណ ដែលជាកន្លែងសម្រាប់អោយសិស្សានុសិស្សបញ្ចេញកម្លាំងកាយ។
ភ្លាមៗនោះដែរខ្យល់ព្យុះបានគួចបំបាក់រោងដែលសាងសង់ឡើងអំពីគ្រោងដែក ដែលមានទទឹង១០ម៉ែត្របណ្តោយ២០ម៉ែត្រ និងកម្ពស់១៥ម៉ែត្រ បាក់សង្កត់ទៅលើក្រុមកីឡា និងសិស្ស ជាច្រើននាក់ ព្រមទាំងបានបោកបក់បាក់ដើមឈើជាច្រើនដើម និងបាក់បង្គោលភ្លើងបណ្តាលអោយងងឹតសូន្យសុងនៅក្នុងតំបន់នោះផងដែរ។
នៅក្នុងហេតុការណ៍នេះ លោក យ៉ុន អាត់ភីយ៉ុន អភិបាលខេត្តភីជីត ក៏បានអញ្ជើញចុះពិនិត្យផ្ទាល់ផងដែរ ដោយក្រោយពីក្រុមសង្គ្រោះបានកាត់ដែកដើម្បីរុះរើរកមនុស្សដែលនៅខាងក្រោម ទើបសង្គេតឃើញថា មានកីឡាករបាល់ទាត់ចំនួន៤នាក់ បានស្លាប់ និងគ្រូបង្វឹក២នាក់ ក៏បានបាត់បង់ជីវិត្តដែរ ដោយឡែកសិស្សដែលមកហាត់ប្រាណក៏រងរបួសចំនួន១៩នាក់ ដែលត្រូវបានបញ្ជូនទៅសង្គ្រោះតាមមន្ទីរពេទ្យក្នុងតំបន់នោះ ។ ប្រជាពលរដ្ឋបាននិយាយថា នេះជាលើកទី១ហើយ ដែលលោកទើបនឹងជួបព្រោះវាសាហាវខ្លាំងពេក៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ