Connect with us

ព័ត៌មានអន្ដរជាតិ

ឆ្នាំ១៩៧៣ សង្គ្រាមទម្លាក់គ្រាប់បែករបស់ អាមេរិក លើ កម្ពុជា បានបញ្ចប់ ហើយលោក Kissinger រស់នៅដោយគ្មានទោសពៃ

បានផុស

នៅ

សង្គ្រាមទម្លាក់គ្រាប់បែករបស់អាមេរិកមកលើទឹកដីនៃប្រទេសកម្ពុជាបានឈានដល់ទីបញ្ចប់ អំឡុងខែសីហា ឆ្នាំ១៩៧៣ ខណៈលោក Henry Kissinger ដែលជាអ្នកបញ្ជាឲ្យមានសោកនាដកម្មមួយនេះ បានរស់នៅយ៉ាងសុខស្រួល ប្រៀបដូចជាមិនមានអ្វីកើតឡើងឡើយ ។

លោក Henry Kissinger
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយៈពេល ៥ ទសវត្សរ៍ ក្រោយព្រឹត្តិការណ៍ទម្លាក់គ្រាប់បែកចេញពីយន្តហោះ B-52 របស់អាមេរិកមកលើកម្ពុជា, លោក Kissinger និងជំនួយការរបស់លោក រួមជាមួយទាហានដែលជាប់ពាក់ព័ន្ធនឹងអំពើដ៏ឃោរឃៅនេះ រស់នៅទាំងមិនមានជាប់ទោសពៃអ្វីឡើយ បើទោះបីជាមានប្រជាពលរដ្ឋស្លូតត្រង់រាប់ម៉ឺននាក់ស្លាប់ក្រោមកណ្ដាប់ដៃរបស់លោកក៏ដោយ ។

នៅដើមទសវត្សរ៍ឆ្នាំ ២០០០ លោក Kissinger ត្រូវបានគេសាកសួរពាក់ព័ន្ធនឹងការរំលោភសិទ្ធិមនុស្សដោយអតីតមេដឹកនាំផ្តាច់ការយោធាអាមេរិកខាងត្បូង ប៉ុន្តែលោកមិនត្រឹមតែមិនចូលខ្លួនក្នុងតុលាការប្រទេសបារាំងប៉ុណ្ណោះទេ លោកថែមទាំងបដិសេធមិនឆ្លើយសំណួរទាំងអស់នោះ និងបានចាកចេញពីទីក្រុងប៉ារីសយ៉ាងលឿនផងដែរ បើទោះជាទទួលដីកាកោះហៅក៏ដោយ ។

ចាប់តាំងពីពេលនោះមក អតីតរដ្ឋមន្ត្រីការបរទេសសហរដ្ឋអាមេរិករូបនេះ​មិន​ដែល​ត្រូវ​បាន​ចោទ​ប្រកាន់ ឬ​កាត់​ទោស​ពី​បទសម្លាប់ប្រជាពលរដ្ឋស្លូតត្រង់របស់កម្ពុជាប្រមាណ ៥ ម៉ឺននាក់នោះទេ ហើយលោកថែមទាំងទទួលបានពានរង្វាន់ណូបែលសន្តិភាពនៅឆ្នាំ ១៩៧៣ ដោយសារតែសកម្មភាពរបស់លោកក្នុងការចរចាបទឈប់បាញ់នៅក្នុងប្រទេសវៀតណាមទៀតផង ។

គួរបញ្ជាក់ថា រហូតមកដល់ពេលនេះ លោក Henry Kissinger បានឈានចូលដល់វ័យ ១០០ ឆ្នាំហើយ ហើយរាប់ចាប់តាំងពីប្រឡូកក្នុងឆាកនយោបាយមក អ្នកការទូតអាមេរិករូបនេះបានបញ្ជាឲ្យមានសកម្មភាពទម្លាក់គ្រាប់បែកក្នុងសម័យសង្គ្រាមសរុបចំនួន ៣,៨៧៥ លើក និងបានបញ្ជាឲ្យមានការទម្លាក់គ្រាប់បែកមកលើទឹកដីនៃប្រទេសកម្ពុជាសរុប ៥០ ម៉ឺនតោន ៕

ប្រែសម្រួលដោយ ៖ ជីវ័ន្ត

ប្រភព ៖ Madras Tribune

ចុចអាន ៖ ១៨ មីនា ឆ្នាំ១៩៦៩ លោក Kissinger ចាប់ផ្ដើមរៀបចំផែនការប្រើយន្តហោះ B-52 ទម្លាក់គ្រាប់បែកនៅ កម្ពុជា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៧ ម៉ោង មុន

សូមស្វាគមន៍ «បើកសម្ពោធ OPPO Flagship Store និង Find N3 Series First Sale» ក្នុងពេលតែមួយ គួរឲ្យភ្ញាក់ផ្អើល!​

ព័ត៌មានជាតិ១០ ម៉ោង មុន

អ្នកវិភាគនៅកម្ពុជា គាំទ្រអភិក្រម “រៀនឱ្យចប់ ចេះ មានការងារធ្វើ” របស់នាយករដ្ឋមន្ត្រី ខណៈក្រសួងការងារបានត្រៀមលក្ខណៈសម្បតិ្តរួចជាស្រេចដើម្បីគាំទ្រ

ព័ត៌មានជាតិ១១ ម៉ោង មុន

មន្ត្រីជាន់ខ្ពស់អប់រំ៖ សិស្សទទួលបានការអប់រំនិងរៀនឌីជីថលពីក្មេងជួយឱ្យការសិក្សាផ្នែកវិទ្យាសាស្ត្រ​បានល្អប្រសើរ

ព័ត៌មានជាតិ១១ ម៉ោង មុន

សម្តេច ម៉ែន សំអន សម្តែងការអបអរចំពោះអាកាសយានដ្ឋានអន្តរជាតិសៀមរាបអង្គរដែលល្បីរន្ទឺរហូតសារពត៏មានពិភពលោក៥ធំៗចុះផ្សាយ

ព័ត៌មានអន្ដរជាតិ១១ ម៉ោង មុន

ទេសចរ​ចិន​ ឈរនៅកំពូលតារាងដែលទៅលេងរុស្ស៊ីច្រើនជាងគេ

Sokha Hotels

ព័ត៌មានពេញនិយម