ព័ត៌មានអន្ដរជាតិ

លោកប្រាវីត បកស្រាយរឿងទៅ អង់គ្លេស ហើយថាខានទាក់ទងលោកថាក់ស៊ីន ១៨ ឆ្នាំហើយ

បានផុស

៣ years មុន

នៅ

ថ្ងៃពុធ ២៨ មិថុនា ២០២៣

ដោយ

លោកប្រាវីដបានច្រានចោលពាក្យចចាមអារ៉ាមទៅអង់គ្លេសដើម្បីនិយាយពីកិច្ចព្រមព្រៀងដោយសម្ងាត់ជាមួយអតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា នោះមិនមែនជាការពិតទេ។ លោកបកស្រាយថា គឺដើម្បីពិនិត្យសុខភាពតែមួយមុខប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀត គូប្រជែងរបស់នាយករដ្ឋមន្ត្រីចាំផ្ទះលោក ប្រាយុទ្ធ ចាន់អូចា និយាយបន្ថែមទៀតថា លោកខកខាននិយាយទូរស័ព្ទនិងជួបផ្ទាល់ជាមួយលោកថាក់ស៊ីនអស់រយៈពេល១៨ ឆ្នាំមកហើយ។ ដូច្នេះគ្មានហេតុផលណាដែលបញ្ចាក់ថា លោកព្រមព្រៀងសម្ងាត់ជាមួយលោកថាក់ស៊ីនឡើយ។

នាយឧត្តមសេនីយ៍ Prawit Wongsuwan និងជាឧបនាយករដ្ឋមន្ត្រី ជាមេដឹកនាំគណបក្ស Palang Pracharath Party បញ្ជាក់ច្បាស់ៗបន្ទាប់ពីលោកត្រូវគេមើលឃើញថា ពេលធ្វើដំណើរទៅប្រទេសអង់គ្លេសអាចមានរឿងអ្វីមួយដែលបង្កឲ្យលោកមានស្នាមញញឹមប្លែកមុនប្រជុំក្នុងវិមានរដ្ឋាភិបាល។

ទោះយ៉ាងណាក៏ដោយ បន្ទាប់ពីជម្រះមន្ទិលដែលលោកប្រាយុទ្ធសង្ស័យរួចភ្លាម លោកប្រាវីតបានដើរត្រឡប់ទៅក្នុងរថយន្តវិញដោយឥតបង្អង់យូរ ខណៈក្រុមអ្នកសារព័ត៌មាននៅតែឃើញឥរិយាបថរបស់ឧត្តមសេនីយរូបនេះទាំងមុននិងក្រោយកិច្ចប្រជុំគណៈរដ្ឋមន្ត្រីមានស្នាមញញឹម និងអារម្មណ៍ល្អជានិច្ច។

សូមរម្លឹកដែរថា លោកនាយករដ្ឋមន្ត្រី ប្រាយុទ្ធ ចាន់អូចា បានសម្ដែងការងឿងឆ្ងល់ចំពោះគូប្រជែងលោកប្រាវីតដែលញញឹមញញែមដាក់ប្រព័ន្ធផ្សព្វផ្សាយ ក្រោយវិលត្រឡប់មកពីអង់គ្លេស ចំពេលមានពាក្យចចាមអារ៉ាមពីកិច្ចព្រមព្រៀងដោយសម្ងាត់ជាមួយលោកថាក់ស៊ីន៕