ព័ត៌មានអន្ដរជាតិ

នាយករដ្ឋមន្ត្រី ប្រាយុទ្ធ សម្ដែងការងឿងឆ្ងល់លើទឹកមុខលោកប្រាវីត ក្រោយជួបថាក់ស៊ីន

បានផុស

២ years មុន

នៅ

ថ្ងៃអង្គារ ២៧ មិថុនា ២០២៣

ដោយ

នាយករដ្ឋមន្ត្រីចាំផ្ទះលោក ប្រាយុទ្ធ ចាន់អូចា បានសម្ដែងការងឿងឆ្ងល់ចំពោះគូប្រជែងលោកប្រាវីតដែលញញឹមញញែមដាក់ប្រព័ន្ធផ្សព្វផ្សាយ ក្រោយវិលត្រឡប់មកពីអង់គ្លេស ចំពេលមានពាក្យចចាមអារ៉ាមពីកិច្ចព្រមព្រៀងដោយសម្ងាត់ជាមួយលោកថាក់ស៊ីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រាយុទ្ធ ចាន់អូចា បានមកដល់វិមានរដ្ឋាភិបាលនៅវេលាម៉ោង ៨:០០ ព្រឹក ដើម្បីជាអធិបតីក្នុងកិច្ចប្រជុំពេញអង្គគណៈរដ្ឋមន្ត្រី ដោយគេឃើញឧត្តមសេនីយរូបនេះ ដើរចុះពីអាគារ Thai Khu Fah ទៅអាគារសន្តិភាពយ៉ាងលឿនផងដែរ។

យ៉ាងណាមិញក្រុមអ្នកសារព័ត៌មាន បានសង្កេតឃើញលោកប្រាយុទ្ធហាក់មានទឹកមុខតានតឹងខ្លាំង និងស្ងប់ស្ងាត់ចម្លែក ដោយមិនឆ្លើយសំណួរថា តើត្រូវធ្វើដំណើរទៅចូលរួមកិច្ចប្រជុំជាមួយគណបក្ស Ruam Thai Sang Chart Party ជាមួយសមាជិកសភា៣៦រូបរបស់បក្សឬអត់? ប៉ុន្តែមានសេចក្តីរាយការណ៍មួយមកថា នៅម៉ោង៤រសៀល លោកឧត្តមសេនីយ៍ ប្រាយុទ្ធ បានកោះប្រជុំសមាជិកសភាចំនួន៣៦រូប របស់គណបក្សទាំងក្នុងប្រព័ន្ធស្រុក និងបញ្ជីគណបក្ស ដើម្បីត្រៀមបើកសម័យប្រជុំរដ្ឋសភា និងពិភាក្សាអំពីទិសដៅនៃការបោះឆ្នោតជ្រើសរើសប្រធានក្រុមប្រឹក្សា និងអនុប្រធានក្រុមប្រឹក្សាគណបក្ស។

ចំណែកលោកឧត្តមសេនីយ៍ Prawit Wongsuwan ឧបនាយករដ្ឋមន្ត្រី បានធ្វើដំណើរទៅកាន់វិមានរដ្ឋាភិបាល ដើម្បីចូលរួមកិច្ចប្រជុំគណៈរដ្ឋមន្ត្រីដោយទឹកមុខញញឹម នេះជាការបង្ហាញខ្លួនលើកដំបូងរបស់គាត់ បន្ទាប់ពីត្រឡប់មកពីប្រទេសអង់គ្លេស ចំពេលមានកិច្ចព្រមព្រៀងសម្ងាត់ជាមួយលោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ។

ទោះយ៉ាងណាក៏ដោយ ឧត្តមសេនីយប្រាវីតដែលមានទឹកមុខញញឹមញញែម ក្រោយវិលពីប្រទេសអង់គ្លេសវិញហើយថែមទាំងមិនបានឆ្លើយនឹងសំណួរអ្នកសារព័ត៌មានជុំវិញពាក្យចចាមអារ៉ាមអំពីកិច្ចព្រមព្រៀងសម្ងាត់ជាមួយលោក ថាក់ស៊ីន ខណៈលោកបានត្រឹមតែងក់ក្បាលបន្តិច មុននឹងដើរចូលទៅក្នុងបន្ទប់ទទួលភ្ញៀវពណ៌លឿងជាមួយឧត្តមសេនីយ៍ ប្រាយុទ្ធ និង នាយឧត្តមសេនីយ៍ Anupong Paochinda រដ្ឋមន្ត្រីក្រសួងមហាផ្ទៃដែលរង់ចាំនៅខាងក្នុងមុនប៉ុណ្ណោះ៕