ព័ត៌មានអន្ដរជាតិ
អាមេរិក ដាក់ទណ្ឌកម្មលើក្រុមហ៊ុនមាសដែលផ្ដល់មូលនិធិដល់ទាហានស៊ីឈ្នួល រុស្ស៊ី
សហរដ្ឋអាមេរិកបានដាក់ទណ្ឌកម្មលើក្រុមហ៊ុនចំនួន ៤ និងបុគ្គលមួយចំនួន ដែលមានទំនាក់ទំនងជាមួយក្រុមទាហានស៊ីឈ្នួលរុស្ស៊ី Wagner Group និងមេដឹកនាំលោក Yevgeniy Prigozhin ។
នាយកដ្ឋានរតនាគារអាមេរិកបាននិយាយនៅក្នុងសេចក្តីថ្លែងការណ៍មួយថា ទណ្ឌកម្មនោះកំណត់គោលដៅលើអង្គភាពនៅក្នុងសាធារណរដ្ឋអាហ្វ្រិកកណ្ដាល (CAR) អារ៉ាប់រួម និងរុស្ស៊ី ដែលបានចូលរួមក្នុងការជួញដូរមាសខុសច្បាប់ ដើម្បីផ្តល់មូលនិធិដល់ក្រុមទាហានស៊ីឈ្នួល Wagner Group សម្រាប់ការទ្រទ្រង់ និងពង្រីកកងកម្លាំងប្រដាប់អាវុធរបស់ខ្លួន រួមទាំងនៅអ៊ុយក្រែន និងអាហ្រ្វិក ខណៈគោលដៅបុគ្គលវិញ គឺផ្ដោតសំខាន់លើសកម្មភាពរបស់អង្គភាព Wagner Group នៅក្នុងប្រទេសម៉ាលី ។
លោក Brian E. Nelson អនុរដ្ឋលេខាធិការទទួលបន្ទុកភេរវកម្ម និងស៊ើបការណ៍ផ្នែកហិរញ្ញវត្ថុ បាននិយាយថា ទណ្ឌកម្មរបស់រតនាគារ គឺអាចរំខានតួអង្គសំខាន់ៗនៅក្នុងបណ្តាញហិរញ្ញវត្ថុរបស់ក្រុមហ៊ុន Wagner Group និងរចនាសម្ព័ន្ធអន្តរជាតិជាដើម ។
លោកបន្តថា ក្រុមហ៊ុនទាហានស៊ីឈ្នួលរុស្ស៊ី Wagner Group ផ្តល់មូលនិធិដល់ប្រតិបត្តិការដ៏ឃោរឃៅរបស់ខ្លួន ជាពិសេសបានកេងប្រវ័ញ្ចធនធានធម្មជាតិនៅក្នុងប្រទេសដូចជា សាធារណរដ្ឋអាហ្វ្រិកកណ្តាល និងប្រទេសម៉ាលី ។ ដូច្នេះសហរដ្ឋអាមេរិកនឹងបន្តកំណត់គោលដៅលំហូរប្រាក់ចំណូលរបស់ក្រុមហ៊ុន Wagner Group ដើម្បីបន្ទាបការពង្រីកអំពើហិង្សារបស់ក្រុមនេះនៅក្នុងទ្វីបអាហ្រ្វិក អ៊ុយក្រែន និងកន្លែងផ្សេងទៀត ។
ពាក់ព័ន្ធនឹងបញ្ហានេះ រដ្ឋមន្ត្រីការបរទេសអាមេរិកលោក Antony Blinken បានសរសេរនៅលើបណ្ដាញ Twitter ថា អាមេរិកនឹងបន្តធ្វើសកម្មភាពប្រឆាំងនឹងអ្នកដែលគំរាមកំហែងសន្តិភាព និងសន្តិសុខនៅក្នុងទ្វីបអាហ្រ្វិក រួមទាំងអ្នកដែលផ្តល់មូលនិធិដល់ឧបករណ៍ធ្វើសង្រ្គាមរបស់រុស្ស៊ីផងដែរ ៕
ប្រែសម្រួល៖ នាង រតនៈ
ប្រភព៖ Anadolu
ចុចអាន៖ អ៊ុយក្រែន ខំដាក់ក្ដីសង្ឃឹមលើទាហានស៊ីឈ្នួល Wagner Group តែបែរជា មិនសម្រេចរដ្ឋប្រហារនៅ រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង