ព័ត៌មានអន្ដរជាតិ
បក្សភឿថៃ សង្ឃឹមរកបាននាយករដ្ឋមន្ត្រីថ្មី និងបង្កើត “រដ្ឋាភិបាលប្រជាធិបតេយ្យ” តាមការគ្រោងទុក
ឥស្សរជនជាន់ខ្ពស់មួយរូបនៅក្នុងគណបក្សភឿថៃបាននិយាយកាលពីថ្ងៃព្រហស្បតិ៍ថា ប្រទេសថៃនឹងរកបាននាយករដ្ឋមន្ត្រីទី ៣០ និងបង្កើត “រដ្ឋាភិបាលប្រជាធិបតេយ្យ” តាមការគ្រោងទុកនៅក្នុងខែសីហា ។
លោក Songkram Kitlertpairoj សមាជិកសភាបក្សរបស់បក្សភឿថៃ បានលើកឡើងថា គណបក្សរបស់លោក និងដៃគូផ្សេងទៀតនៅក្នុងក្រុមចម្រុះទាំង ៨ “គាំទ្រលទ្ធិប្រជាធិបតេយ្យ” ហើយពួកយើងក៏កំពុងប្រឹងប្រែងឲ្យអស់ពីសមត្ថភាពដើម្បីជ្រើសរើសនាយករដ្ឋមន្ត្រីថ្មីរបស់ប្រទេសថៃនៅក្នុងខែសីហានេះផងដែរ ។
លោក Songkram បញ្ជាក់ថា “រឿងនេះនឹងអនុញ្ញាតឲ្យប្រទេសរបស់យើង បន្តដំណើរនាវាឆ្ពោះទៅមុខរកគោលដៅច្បាស់លាស់ បន្ទាប់ពីយើងមិនដឹងទៅកន្លែងណាអស់រយៈពេល ៩ ឆ្នាំមកនេះ ។ ខ្ញុំជឿថា រដ្ឋាភិបាលថ្មីដែលនឹងត្រូវបានបង្កើតឡើង នឹងទទួលបាននូវទំនុកចិត្តពីសហគមន៍អន្តរជាតិ ហើយវាក៏ជាការល្អសម្រាប់ពាណិជ្ជកម្ម និងការវិនិយោគរបស់ប្រទេសថៃផងដែរ” ។
លោកក៏បន្ថែមផងដែរថា រាល់គោលនយោបាយដែលបក្សភឿថៃដាក់ចេញរួមគ្នាជាមួយគណបក្សចម្រុះទាំង ៨ ក្នុងការបោះឆ្នោតសកលកាលពីថ្ងៃទី១៤ ខែឧសភា នឹងត្រូវអនុវត្តដើម្បីភាពប្រសើរឡើងនៃសុខុមាលភាពរបស់ប្រជាជន និងវឌ្ឍនភាពប្រទេស ។
ទន្ទឹមនោះ លោក Songkram ក៏បាននិយាយសំដៅទៅដល់រដ្ឋបាលរបស់លោកនាយករដ្ឋមន្ត្រី ប្រាយុទ្ធ ចាន់អូចា ផងដែរថា រដ្ឋាភិបាលប្រជាធិបតេយ្យពិតជានឹងនាំប្រជាជនថៃឲ្យរួចផុតពីភាពក្រីក្រអស់រយៈពេលជាច្រើនឆ្នាំ ក្រោមការដឹកនាំរបស់លោក ប្រាយុទ្ធ ។
គួរបញ្ជាក់ថា គណបក្សភឿថៃត្រៀមនឹងតែងតាំងបេក្ខជននាយករដ្ឋមន្ត្រីជំនួសគណបក្សចលនាឆ្ពោះទៅមុខ ដើម្បីបង្កើតរដ្ឋាភិបាលចម្រុះថ្មី បន្ទាប់ពីមេដឹកនាំ និងបេក្ខជននាយករដ្ឋមន្ត្រីតែមួយគត់គឺលោក Pita Limjaroenrat រងបរាជ័យក្នុងការទទួលបានសំឡេងគាំទ្រភាគច្រើនពីសមាជិកសភាដើម្បីក្លាយជានាយករដ្ឋមន្ត្រីទី ៣០ របស់ប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ ប្រធានសភា ថៃ ព្រមានសមាជិកសភាកុំលក់ឧត្តមគតិប្រឆាំងម្ចាស់ឆ្នោត និងប្រែខ្លួនទៅជា “ពស់វែក”
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង