ព័ត៌មានអន្ដរជាតិ
កត្តាចំនួន ២ អាចបណ្ដាលឲ្យកើតមានភ្លើងឆេះដ៏សាហាវនៅ ហាវ៉ៃ
ប្រព័ន្ធផ្សព្វផ្សាយរបស់អាមេរិកបានរាយការណ៍ថា ភ្លើងឆេះព្រៃដែលបានបំផ្លិចបំផ្លាញកោះ Maui រដ្ឋហាវ៉ៃ តាំងតែពីសប្តាហ៍មុនមក អាចបណ្ដាលមកពីកត្តាជាច្រើនដូចជា លក្ខខណ្ឌអាកាសធាតុស្ងួតហួតហែង និងខ្យល់បក់ខ្លាំងមកពីព្យុះកំបុតត្បូង Dora ។
ទីភ្នាក់ងារព័ត៌មាន AP បានរាយការណ៍ថា កោះ Maui បានកើតមានលក្ខខណ្ឌស្ងួតហួតហែងមិនធម្មតា ចាប់តាំងពីចុងខែឧសភាមកម្ល៉េះ ដូច្នេះទាំងដី និងរុក្ខជាតិ គឺមិនមានសំណើមនោះទេ ដែលធ្វើឲ្យតំបន់នោះងាយនឹងរងការឆាបឆេះបែបនេះ ។
ដោយឡែក កាសែត The New York Times បានដាក់ការសង្ស័យទៅលើព្យុះកំបុតត្បូង Dora ទើបកើតមានអគ្គិភ័យដ៏សន្ធោសន្ធៅយ៉ាងដូច្នេះ ។ កាសែតអាមេរិកមួយនេះបានចង្អុលបង្ហាញថា ឥទ្ធិពលរបស់ព្យុះកំបុតត្បូង Dora បានបោះបោក និងទាញកន្ត្រាក់ខ្សែភ្លើងនៅទីក្រុង Lahaina ឲ្យដាច់ធ្លាក់ ហើយបង្កឲ្យមានការទុស្សេ និងកើតមានអគ្គិភ័យនេះតែម្ដង ។
គិតត្រឹមថ្ងៃព្រហស្បតិ៍ ចំនួនអ្នកស្លាប់ក្នុងហេតុការណ៍ភ្លើងឆេះដែលមិនធ្លាប់មាននៅអាមេរិកក្នុងរយៈពេលជាងមួយសតវត្សនេះ បានកើនឡើងដល់ ១១០ នាក់ហើយ ខណៈរំពឹងនឹងកើនឡើងបន្ថែមទៀតផងដែរ ដោយសារតែការរុករក និងជួយសង្គ្រោះត្រូវបានបញ្ចប់នៅក្នុងទំហំផ្ទៃដីប្រហែល ៣២ ភាគរយប៉ុណ្ណោះនៃតំបន់ដែលរងផលប៉ះពាល់ ។
ទន្ទឹមនោះ មជ្ឈមណ្ឌលគ្រោះមហន្តរាយប៉ាស៊ីហ្វិក ដែលបាននឹងកំពុងវាយតម្លៃការខូចខាតបាននិយាយថា សំណង់អគារប្រហែល ២,២០០ ខ្នងបានរងការខូចខាត ឬបំផ្លាញដោយភ្លើងឆេះ ហើយ ៨៦ ភាគរយនៃសំណង់ទាំងនោះ គឺជាអគារលំនៅដ្ឋាន ខណៈមនុស្សប្រហែល ៤,៥០០ នាក់ក៏ត្រូវបានជម្លៀសចេញផងដែរ ។
គួរបញ្ជាក់ថា ភ្លើងឆេះលើផ្ទៃដីប្រហែល ៨.៨ លានម៉ែត្រការ៉េនៅក្នុងទីក្រុង Lahaina លើកោះ Maui ដែលជាតំបន់ទេសចរណ៍ដ៏ពេញនិយម និងល្បីល្បាញ បានរលត់អស់ប្រមាណ ៨៥ ភាគរយហើយ ប៉ុន្តែទោះជាយ៉ាងណា រហូតមកដល់ពេលនេះ ភ្លើងមិនទាន់រលត់ទាំងស្រុងនៅឡើយទេ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ក្រៅពី ហាវ៉ៃ ភ្លើងឆេះព្រៃ ក៏កំពុងវាយប្រហារប្រទេសជាច្រើននៅអឺរ៉ុប ផងដែរ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង