ព័ត៌មានអន្ដរជាតិ
លោក គីម ជុងអ៊ុន ទៅដល់ រុស្ស៊ី ហើយ ខណៈ អាមេរិក ចេញព្រមានហាមលក់អាវុធដាច់ខាត
មេដឹកនាំកូរ៉េខាងជើងលោក គីម ជុងអ៊ុន បានអញ្ជើញទៅដល់ប្រទេសរុស្ស៊ីហើយដើម្បីជួបពិភាក្សាជាមួយប្រធានាធិបតីរុស្ស៊ីលោក វ្ល៉ាឌីមៀរ ពូទីន ខណៈរដ្ឋាភិបាលទីក្រុងវ៉ាស៊ីនតោនចេញការព្រមានថា ប្រទេសទាំងពីរមិនគួរយល់ព្រមលើកិច្ចព្រមព្រៀងសព្វាវុធណាមួយឡើយ ។
ប្រព័ន្ធផ្សព្វផ្សាយរដ្ឋកូរ៉េខាងជើងបានរាយការណ៍នៅថ្ងៃអង្គារនេះថា លោក គីម បានចាកចេញពីទីក្រុងព្យុងយ៉ាងទៅកាន់ប្រទេសរុស្ស៊ីកាលពីថ្ងៃអាទិត្យតាមរថភ្លើងពិសេស និងអមដំណើរដោយមន្ត្រីផ្នែកឧស្សាហកម្មអាវុធកំពូលៗ រដ្ឋមន្ត្រីការបរទេស អ្នកការទូត និងមេបញ្ជាការយោធាផ្សេងទៀតផងដែរ ។
ទន្ទឹមនោះ ទីភ្នាក់ងារសារព័ត៌មានក្យូដូរបស់ប្រទេសជប៉ុនក៏បានរាយការណ៍ផងដែរថា រថភ្លើងពិសេសដឹកលោក គីម បានទៅដល់ស្ថានីយ៍ Khasan ដែលជាច្រកផ្លូវដែកដ៏សំខាន់ភ្ជាប់តំបន់ Far East របស់រុស្ស៊ីជាមួយនឹងកូរ៉េខាងជើង ហើយមេដឹកនាំទាំងពីរអាចនឹងពិភាក្សាគ្នាអំពីកិច្ចព្រមព្រៀងសព្វាវុធ ដើម្បីជួយដល់សង្គ្រាមរបស់រុស្ស៊ីនៅអ៊ុយក្រែន ។
ស្របពេលជាមួយគ្នានេះ សហរដ្ឋអាមេរិកក៏បានចេញការព្រមាន និងដាក់ទណ្ឌកម្មលើកូរ៉េខាងជើងផងដែរ ប្រសិនបើរដ្ឋាភិបាលទីក្រុងព្យុងយ៉ាងហ៊ានផ្ដល់អាវុធឲ្យរុស្ស៊ី ខណៈអ្នកនាំពាក្យក្រុមប្រឹក្សាសន្តិសុខជាតិរបស់សេតវិមានបានលើកឡើងថា កិច្ចពិភាក្សាអំពីការផ្គត់ផ្គង់អាវុធរបស់កូរ៉េខាងជើងទៅឲ្យរុស្ស៊ី កំពុងដំណើរការយ៉ាងរលូន ។
ទោះយ៉ាងណា ទីក្រុងព្យុងយ៉ាង និងទីក្រុងមូស្គូសុសុទ្ធតែបានបដិសេធថា ប្រទេសកូរ៉េខាងជើងមិនបានផ្គត់ផ្គង់អាវុធដល់ប្រទេសរុស្ស៊ីដើម្បីប្រើក្នុងសមរភូមិប្រយុទ្ធលើអ៊ុយក្រែននោះទេ ខណៈរហូតមកដល់ពេលនេះបានបន្លាយពេលជាង ១៨ ខែមកហើយ ។
គួរបញ្ជាក់ថា វានឹងក្លាយជាជំនួបកំពូលលើកទី ២ របស់លោក គីម ជុងអ៊ុន ជាមួយលោក វ្ល៉ាឌីមៀរ ពូទីន បន្ទាប់ពីមេដឹកនាំទាំងពីបានជួបគ្នាម្ដងរួចទៅហើយនៅឆ្នាំ ២០១៩ ក្នុងដំណើរទស្សនកិច្ចលើកចុងក្រោយរបស់លោក គីម នៅក្រៅប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ លោក គីម ជុងអ៊ុន ជិះរថភ្លើងពិសេស ទៅរុស្ស៊ី ជាមួយមន្ត្រីកំពូលផ្នែកឧស្សាហកម្មអាវុធ និងមេទ័ព
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល