ព័ត៌មានអន្ដរជាតិ
ចិន ជាប្រទេសទី១ តែងតាំង ឯកអគ្គរដ្ឋទូតប្រចាំអាហ្វហ្គានីស្ថាន ក្រោយក្រុមតាលីបង់ ឡើងកាន់អំណាច
ចិន បានក្លាយជាប្រទេសដំបូងគេដែលតែងតាំង ឯកអគ្គរដ្ឋទូតប្រចាំនៅអាហ្វហ្គានីស្ថាន ចាប់តាំងពីក្រុមតាលីបង់ ឡើងកាន់អំណាចក្នុងឆ្នាំ២០២១។
ក្រុមតាលីបង់និយាយថា ការតែងតាំងលោក ចាវ ស៊ីង គឺជាសញ្ញាមួយសម្រាប់ប្រជាជាតិដទៃទៀត ក្នុងការបង្កើតទំនាក់ទំនងជាមួយរដ្ឋាភិបាលរបស់ខ្លួន។
ស្របពេលជាមួយគ្នានោះដែរ ក្រុមអ្នកវិភាគនិយាយថា ចំណាត់ការនេះ បានបង្ហាញពីរបៀបដែលចិន កំពុងព្យាយាមបង្កើតឥទ្ធិពលរបស់ខ្លួន នៅក្នុងតំបន់។
មេដឹកនាំតាលីបង់ បានទទួលលោក ចាវ នៅវិមានប្រធានាធិបតី ក្នុងទីក្រុងកាប៊ុលកាលពីថ្ងៃពុធទី១៣ខែកញ្ញា ជាមួយពិធីដ៏អ៊ឹកធឹក។
ដោយឡែក ក្រសួងការបរទេសចិនបានគូសបញ្ជាក់ថា ទីក្រុងប៉េកាំង នឹងបន្តជំរុញកិច្ចសន្ទនា និងសហប្រតិបត្តិការ ជាមួយអាហ្វហ្គានីស្ថាន ហើយថា គោលនយោបាយរបស់ខ្លួនចំពោះប្រទេសនេះគឺ ច្បាស់លាស់និងសមស្រប។
ក្រសួងបន្ថែមថា ការតែងតាំងលោក ចាវ គឺជាផ្នែកមួយនៃការតែងតាំងប្តូរវេន នៃឯកអគ្គរដ្ឋទូតចិន ប្រចាំនៅប្រទេសអាហ្វហ្គានីស្ថាន។
ក្រុមតាលីបង់ មិនត្រូវបានទទួលស្គាល់ជាផ្លូវការដោយរដ្ឋាភិបាលបរទេសណាមួយឡើយ ប៉ុន្តែចិន គឺជាប្រទេសដំបូងគេ ដែលចូលរួមជាមួយពួកគេ ចាប់តាំងពីកងកម្លាំងបរទេសដឹកនាំដោយសហរដ្ឋអាមេរិក ដកខ្លួនចេញពីអាហ្វហ្គានីស្ថាននៅខែសីហាឆ្នាំ២០២១៕
ប្រែសម្រួល៖ Vann Vann
ប្រភព៖ BBC
ចុចអាន៖ តាលីបង់ សុំឲ្យរុស្ស៊ី និងអ៊ុយក្រែន ដោះស្រាយគ្នាដោយសន្តិវិធី ព្រោះខ្លួនបារម្ភជនស៊ីវិលស្លាប់ និងរបួស
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ