Connect with us

ព័ត៌មានអន្ដរជាតិ

ណាតូ ដាក់យន្តហោះឈ្លបការណ៍ទៅជិតព្រំដែនសម្ព័ន្ធមិត្តដើម្បីតាមមើល​សកម្មភាពយោធា រុស្ស៊ី

បានផុស

នៅ

អង្គការណាតូបានដាក់ពង្រាយយន្តហោះឈ្លបការណ៍ប្រភេទ AWACS ទៅកាន់ប្រទេសលីទុយអានី ដើម្បីតាមដានសកម្មភាពយោធារុស្ស៊ីនៅជិតព្រំដែនរបស់សម្ព័ន្ធមិត្តរបស់ខ្លួន ខណៈយន្តហោះ ១ គ្រឿងដំបូងក្នុងចំណោមយន្តហោះ ២ គ្រឿងបានមកដល់មូលដ្ឋានអាកាស Siauliai កាលពីថ្ងៃព្រហស្បតិ៍ ។

យន្តហោះ AWACS

អ្នកនាំពាក្យស្តីទីរបស់អង្គការណាតូ លោក Dylan White បាននិយាយថា “សង្រ្គាមរបស់រុស្ស៊ីលើអ៊ុយក្រែនបានបង្កើនការយកចិត្តទុកដាក់របស់យើងលើបរិយាកាសសន្តិសុខនៅក្នុងតំបន់សមុទ្របាល់ទិក ដូច្នេះហើយទើបយើងសម្រេចបញ្ជូនយន្តហោះ AWACS ទៅមើលស្ថានភាពនៅតាមព្រំដែន” ។

លោក White បានបញ្ជាក់ថា “ការបញ្ជូនយន្តហោះ AWACS គឺដោយសារតែយន្តហោះប្រភេទនេះ មានសមត្ថភាពអាចស្ទាក់ចាប់យន្តហោះ និងកាំជ្រួចមីស៊ីលរយៈចម្ងាយរាប់រយគីឡូម៉ែត្ររបស់រុស្ស៊ី ហើយវានឹងក្លាយជាយន្តហោះមានសមត្ថភាពការពារដ៏សំខាន់សម្រាប់អង្គការណាតូ ។ ទន្ទឹមនោះ ខ្ញុំសូមអរគុណដល់ប្រទេសលីទុយអានីសម្រាប់ធ្វើជាចំណតសម្រាប់យន្តហោះរបស់យើង ហើយនេះ​ជា​ការ​រួម​ចំណែក​ដ៏​សំខាន់​ដល់​សន្តិសុខ​រួម​របស់​យើង” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសព័ត៌មានបាននិយាយទៀតថា “ជាការឆ្លើយតបទៅនឹងសង្គ្រាមរុស្ស៊ី-អ៊ុយក្រែន អង្គការណាតូបានបង្កើនវត្តមានដែនអាកាសរបស់ខ្លួននៅក្នុងតំបន់ភាគខាងកើតនៃសម្ព័ន្ធមិត្ត ដោយប្រើប្រាស់យន្តហោះចម្បាំង យន្តហោះស៊ើបការណ៍ និងយន្តហោះចាក់ប្រេងសាំងជាដើម” ។

គួរបញ្ជាក់ថា ចាប់តាំងពីខែកុម្ភៈ ឆ្នាំ ២០២២ ពោលនៅពេលដែល “ប្រតិបត្តិការយោធាពិសេស” របស់រុស្ស៊ីលើអ៊ុយក្រែនបានផ្ទុះឡើង យន្តហោះប្រភេទ AWACS បានធ្វើការហោះហើររាប់រយជើងឆ្លងកាត់អឺរ៉ុបខាងកើត ដើម្បីត្រួតពិនិត្យក៏ដូចជាតាមដានសកម្មភាពយន្តហោះចម្បាំងរបស់រុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ រុស្ស៊ី ចុចឈ្មោះប្រទេស ២ ពាក់ព័ន្ធការបាញ់មីស៊ីលរបស់ អ៊ុយក្រែន វាយ ប្រហារលើទីស្នាក់ការកងនាវាចរសមុទ្រខ្មៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម