ព័ត៌មានអន្ដរជាតិ

ស្រ្តីចិនម្នាក់ចតរថយន្តលើដំបូលផ្ទះពេលទឹកជំនន់ ក្រោយដឹងមូលហេតុ មហាជនថានាងឆ្លាតខ្លាំង

បានផុស

៣ years មុន

នៅ

ថ្ងៃពុធ ២៥ តុលា ២០២៣

ដោយ

ស្រ្តីជនជាតិចិនម្នាក់បានចែករំលែកពីរបៀបការពាររថយន្តរបស់នាងពីការខូចខាតដោយទឹកជំនន់ខ្លាំង ត្បិតថាវាមិនងាយស្រួលទម្លាក់ចុះមកវិញ ប៉ុន្តែនាងប្រាប់ថាសុខចិត្តចាយលុយច្រើនប្រសើរជាងការបង់ប្រាក់នៅពេលរថយន្តខូចខ្លាំង។

យោងតាមព័ត៌មានកាលពីថ្ងៃទី២០ ខែតុលា អ្នកស្រី Chen មកពីទីក្រុង Mao Ming ខេត្ត Guangdong ប្រទេសចិន បានចំណាយប្រាក់ចំនួន ៨០០ យន់ (១០៩.៤១ដុល្លារ) ដើម្បីជួលឡានស្ទូចលើករថយន្តរបស់នាងឡើងលើដំបូល។ ប្រការនេះនាងបានបញ្ចាក់ថា វាជួយការពាររថយន្តជាទីស្រលាញ់ ពីការខូចខាតដោយទឹកជំនន់ថែមទៀតផង។

ក្រោយមហាជនបានទស្សនានូវឃ្លិប ដែលបង្ហាញពីឡានស្ទូចលើករថយន្តឡើងលើដំបូល អ្នកលេងអ៊ីនធឺណិតជាច្រើនបានសរសើរវិធីសាស្ត្ររបស់នាងថាឆ្លាតខ្លាំងបំផុត។ ពិតណាស់ ៨០០ យន់ គឺពិតជាថោកជាងថ្លៃជួសជុលឡានទៅទៀត។ ហើយវាថែមទាំងអាចមានតម្លៃថោកជាងថ្លៃលាងរថយន្តមួយចំនួនទៀត។ លើសពីនេះ វាប្រសើរជាងការប្រថុយប្រថានឲ្យរថយន្តត្រាំក្នុងទឹកអស់រយះពេលយូរថែមទៀតផង។

ទន្ទឹមនោះទៀតសោត អ្នកលេងអ៊ីនធឺណិតមួយចំនួនយល់ស្របថា វិធីនេះពិតជាអាចផ្លាស់ទីរថយន្តបានយ៉ាងលឿន។ ប៉ុន្តែអ្នកត្រូវតែជាមនុស្សដែលមានផ្ទះផ្ទាល់ខ្លួន ហើយទំងន់ផ្ទះត្រូវតែរឹងមាំខ្លាំង ដើម្បីទទួលទំងន់នៃឡានមួយគ្រឿងនោះរួច។ ប៉ុន្តែចុះយ៉ាងណា បើអ្នកជាអ្នករស់នៅផ្ទះល្វែងដែលមិនមានដំបូលផ្ទះឯកជន?