បុរស ជប៉ុន សម្លាប់ម្តាយវ័យ១០០ឆ្នាំ ដោយសារ ធុញទ្រាន់នឹងការថែទាំ

យោងតាមការចុះផ្សាយដោយសារព័ត៌មាន straitstimes ប៉ូលិសក្នុងប្រទេសជប៉ុន បានចាប់ខ្លួនបុរសម្នាក់កាលពីថ្ងៃទី ២៥ ខែវិច្ឆិកា ដោយសង្ស័យថា បានសម្លាប់ម្តាយបង្កើតអាយុ ១០០ឆ្នាំ ស្ថិតនៅភាគខាងលិចទីក្រុងតូក្យូ រួចទូរស័ព្ទមកប្រាប់ថា គាត់ធុញទ្រាន់នឹងការថែទាំអ្នកមានគុណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយពីប៉ូលិសបានបញ្ចាក់ថា ជនសង្ស័យមានឈ្មោះ Masato Watabe អាយុ ៧៩ ឆ្នាំ ដោយរងការចោទប្រកាន់ថា យកដៃខ្ទប់មាត់ម្តាយរបស់គាត់ឈ្មោះ Masako ហើយបានប្រព្រឹត្តអំពើហិង្សាផ្សេងទៀតទៅលើម្ដាយ នៅក្នុងផ្ទះរបស់ពួកគេ។

ក្រោយមក គាត់បានធ្វើការហៅទូរស័ព្ទសង្គ្រោះបន្ទាន់នៅម៉ោងប្រហែល ២:១០ រសៀល (ម៉ោងក្នុងស្រុក) ដោយបញ្ជូនស្ត្រីជាម្ដាយទៅកាន់មន្ទីរពេទ្យភ្លាមៗ។ បើទោះបីជាមានការជួយសង្រ្គោះយ៉ាងសស្រាកសស្រាំពីក្រុមគ្រូពេទ្យក្ដី ស្រ្តីចំណាស់រូបនោះ បានទទួលមរណភាពនៅឯក្នុងមន្ទីរពេទ្យទៅហើយ។

បន្ទាប់ពីសាកសួរ ជនសង្ស័យ Masato បានទទួលស្គាល់ការចោទប្រកាន់មួយនេះ ហើយរូបគេបានសារភាពថា ដោយសារតែអ្នកទាំងពីររស់នៅជាមួយគ្នានៅតំបន់ Machida នៃទីក្រុងតូក្យូ។ យ៉ាងណា ប៉ូលិសក៏កំពុងស៊ើបអង្កេតមូលហេតុដែលឈានដល់អំពើឃាតកម្មដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

អេត្យូពី ផ្ទុះភ្នំភ្លើងលើកដំបូង បន្ទាប់ពីស្ងាត់ជាង ១២ ០០០ ឆ្នាំ